काठमाण्डौं, ३० कार्तिक । जगदम्बा स्र्पोट्स प्राइभेट लिमीटेड(जे स्पोर्टस) ले आफ्नो क्रिकेट टिम पोखरा राइनोको लोगो, जर्सी र खेलाडी सार्वजनिक गरेको छ । पोखरा नगरपालीकाको मेयर मान बहादुर जीसी, जगदम्बा स्र्पोट्स प्रा.लीका प्रबन्ध निर्देशक साहिल अग्रवाल, इपिएलका प्रबन्धक अमिर अख्तर, पोखरा राइनो क्रिकेट टिमका कप्तान शक्ति गौचन लगाएतको उपस्थितीमा जर्सी र लोगो सार्वजनिक गरिएको हो ।

१९ डिसेम्बरमा हुन लागेको इपिएल क्रिकेट प्रतियोगितालाई लक्षित गरी जे स्पोर्टस टिमले नयाँ खेलाडीहरु खोज्नका लागि मंसिर २ देखि ट्यालेन्ट हन्ट आयोजना गर्दैछ । कार्यक्रममा सहभागी हुन इच्छुकले पोखरामा गएर रजिष्ट्रेशन गर्नुपर्ने कम्पनीले जनाएको छ । इपिएल प्रतियोगितामा ३ जना विदेशी खेलाडीले पनि सहभागि जनाउने कम्पनीले जनाएको छ । पोखराको प्रतिनिधीत्व गर्ने क्रिकेट टिम पोखरा राइनोमा हाल खेलाडीहरु शक्ति गौचन, विनोद भण्डारी, सुसन भारी, राजेस पुलामी मगर, विक्रम सोव, सौरभ खनाल, नुरधोज सेन, किशोर महतो , सन्तोष भट्ट , सुनिल धमला र विपीन खत्री रहेका छन् ।