काठमाडौं, २० मंसिर । सहरी विकास राज्यमन्त्री रामवीर मानन्धरले फोहोरमैलाको उचित व्यवस्थापनका लागि प्रविधिसँग जोडिनुपर्ने बताउनुभएको छ । फोहोरमैला व्यवस्थापन सम्बन्धि राष्ट्रिय सम्मेलनमा बोल्दै राज्यमन्त्री मानन्धरले प्रविधिसँग जोडिन नसकेका कारण फोहोरमैलाको समस्या बढ्दै गएको बताउनुभयो ।

राज्यमन्त्री मानन्धरले फोहोरमैला व्यवस्थापनका लागि नयां प्रविधि ल्याउंदा कसैलाई घाटा नहुने जिकिर गर्नुभयो । फोहोरमैला व्यवस्थापन सम्बन्धि राष्ट्रिय सम्मेलनका संयोजक गणेश शाहले शहरको विकास भइरहेकै गतिमा फोहोर पनि बढिरहेको बताउनुभयो । साहले देश संघीय संरचनामा गएपछि फोहोर व्यवस्थान कसको जिम्मा हुने भन्ने नै स्पष्ट नभएको जिकिर गर्नुभयो । काठमाडौ महानगरपालिकाका प्रमुख प्रशासकिय अधिकृत केदार न्यौपानेले फोहोर सिसडोल पु¥याउनु भन्दा पहिले नै कुहिने र नकुहिने फोहोर छुट्याउनुपर्ने बताउनुभयो । देशमा हरेक वर्ष रासायनिक मल आयातमा ठूलो रकम बाहिर गएको उल्लेख गर्दै उहाँले कुहिने फोहोरलाई मल बनाउएर प्रयोग गर्न सकिने बताउनुभयो ।