काठमाडौं, २७ भदौ I हिमाल, पहाड, तराई-मधेश नेपाली काँग्रेस, राष्ट्रिय जागरण अभियान, अन्तर्गत दोश्रो चरण कार्यक्रम यहि ०७६ भाद्र २४ गते देखि असोज ६ गते सम्म देशै भर संचालन भई रहेको छ I

यसै सन्दर्भमा काठमाडौं स्थित नेपाली काँग्रेस सम्पूर्ण जिल्ला – काठमाडौं सम्पर्क समितिहरुको आयाेजनामा यहि भाद्र २८ गते शनिबार नयाँ बानेस्वर स्थित छक्कु बक्कु पार्क ( छक्कु बाक्कु मन्दिर अगाडी ) मा बृहत रक्तदान कार्यक्रम हुने भएको छ I उक्त कार्यक्रममा नेपाली काँग्रेसका महामन्त्री पुर्णबहादुर खड्काकाे प्रमुख आतिथ्यतामा नेपाली कांग्रेस प्रवक्ता विश्व प्रकाश शर्माको उपस्थिति हुनेछ । काठमाडौं क्षेत्र नं १ का प्रदेश सांसद दीपेन्द्र श्रेष्ठको पनि उपस्थिति हुनुहुनेछ I

कार्यक्रमको शुरुवात प्रवक्ता दम्पती (विश्वप्रकाश शर्मा र उहाँकी जीवनसंगिनी कविता शर्मा)ले रक्तदान गरि गर्नुहुनेछ I कार्यक्रम सम्पूर्ण सम्पर्क समितिहरुको तर्फबाट नेपाली कांग्रेस ताप्लेजुङ्ग- काठमाडौं सम्पर्क समितिलाई संयोजक तोकिएको हो I कार्यक्रमकाे तयारी पूरा भएकाे जानकारी दिदैं नेपाली काँग्रेस ताप्लेजुङ -काठमाडौं सम्पर्क समितिका सभापति भक्तिराज भट्टराईले लाेकतन्त्रप्रेमी सम्पूर्णलाई खुल्ला रक्तदानमा सहभागी भई रक्तदान गरि जीवनदान गर्नु हुनु समेत अपिल गर्नु भएकाे छ ।

राष्ट्रिय जागरण अभियान अन्तर्गत पहिलो चरणको कार्यक्रमको समापन रक्तदान गरेर गरेको थियो । उक्त रक्तदान कार्यक्रमको आयोजना सम्पुर्ण ने.का. जिल्ला -काठमान्डौ सम्पर्क सम्पर्क समितिको आयोजनामा नेपाली कांग्रेस ताप्लेजुङ्ग-काठमाडौं सम्पर्क समिति सम्योजक भै कार्यक्रममा तरुण दलका भुपेन्द्र रायमाझी सहित विभिन्न ब्यक्ती हरुले रक्तदान गर्नु भएको थियो ।

त्यसपछि नेपाली काँग्रेस पाल्पा- काठमाडौं सम्पर्क समिति र नेपाली काँग्रेस बझाङ्ग- काठमाडौं सम्पर्क समितिले कार्यक्रमको संयोजन सफलता पुर्बक समापन गर्नु भएको छ ।