मृतक परिवारलाई १ लाख दिने गौर नगरपालिकाको घोषणा



 

रौतहट, ३१ असार। लगातार परेको वर्षाका कारण रौतहटको गौर नगरपालिकाले बाढीमा डुबेर मृत्यु भएका परिवारलाई १ लाख रुपैयाँ आर्थिक सहयोग दिने घोषणा गरेको छ । असार २८ गतेका दिन आएको बाढीमा गौर नगरपालिकामा दुई जनाको मृत्यु भएको थियो ।

मृतक परिवारलाई तत्काल १५ हजार क्रिया खर्च उपलब्ध गराइएको गौर नगरपालिकाका नगर प्रमुख अजय कुमार गुप्ताले बताएका छन् । बाढीमा डुबेर मृत्यु भएका स्थानीय वडा नम्बर ३ निवासी शिव मंगल पटेल र उमेश राउतको परिवारलाई एक एक लाख रुपैयाँ नगरपालिकाको तर्फबाट तत्काल सहयोग गर्न घोषणा गरेको छ । बाढी पीडितहरुलाई नगरपालिकाको तर्फबाट राहत वितरण गर्ने कार्य तीव्र रुपमा अगाडी बढ़ाइएको मेयर गुप्ताले जनाएका छन् ।

अहिलेसम्म रौतहटमा बाढीबाट मृत्यु हुनेको संख्या ९ पुगेको छ । १ जना अझ बेपता रहेकोले खोजी कार्य जारी रहेको जिल्ला प्रहरी कार्यालय रौतहटले जनाएको छ ।

    Comment Here!


सम्बन्धित समाचार

View All