चिनियाँ राजदूतको ट्विट : ठूलो आयोजनामा हाम्रै कम्पनीले काम गरिरहेको छ

उर्जामन्त्रीको व्यवहारबाट चिनिया दूतावास अवाक



काठमाडौं ११ असार । ऊर्जामन्त्री वर्षमान पुनले मंगलबार चिनियाँ राजदूत होउ यान्छीसँगको भेटमा चिनियाँ कम्पनीको काम गराइप्रति असन्तुष्टि जनाएको केही घण्टामा नै चिनिया राजदूतले ट्विट मार्फत जवाफ दिएकी छन् । राजदूत हाउ यन्छीले चिनियाँ कम्पनीहरुले काममा ढिलाइ गरेको भन्ने मन्त्रीको भनाईप्रतिको अनिच्छा व्यक्त गरेकी छन् ।
‘नेपालमा निर्माण भइरहेका जलविद्युत आयोजनाहरूमध्ये सबैभन्दा ठूलो आयोजना चीन जलविद्युत संस्थाले गरेको हो,’ राजदूत होउले ट्वीट गरेकी छन् ।


नेपालमा निर्माण भइरहेका जलवीद्युत आयोजनाहरूमध्ये सबैभन्दा ठूलो आयोजना चीन जलविद्युत संस्थाले गरेको हो । राजदूत यान्छीले तामाकोसीको ड्याम साइट र सुरुङको फोटो ससससहित आफ्नै तरिकाले काम गरिरहेको सन्देश दिएकी छन । तामकोशी हाइड्रो पावरमा चीनको सिनो हाइड्रो कर्पोरेसन कम्पनीले काम गरिरहेको छ ।

मंगलबारको भेटमा मन्त्री पुनले अन्य देशमा राम्रो काम गर्ने चिनियाँ कम्पनीहरु नेपालमा आएर भने राम्रो कार्यसम्पादन गर्न नचाहेको बताएको प्रति चिनिया राजदूतले आश्चार्य मानेको स्रतको दावी छ । स्रोतका अनुससार मन्त्रीको भनाई उनको आफ्नै हो वा अरुको भन्नेमा गम्भीर शंका रहेको बताइएको छ । ‘चिनियाँ कम्पनीले अन्य देशमा राम्रो काम गरिरहेका छन् । यहाँ किन गर्न सकिरहेका छैनन् । समस्या के हो जसका कारण काममा ढिलाइ भइरहेको छ ? ,’ राजदूतसँग मन्त्री पुनले राखेको जिज्ञासा उद्धृत गर्दै मन्त्री पुनको सचिवालयले जारी गरेको विज्ञप्तिमा लेखिएको थियो ।जबकी कुनै कुटनीतिज्ञसंग भएको भेटपछि यस्तो खालको प्रश्न गरेर वक्तव्य निकाल्नु एकप्रकारको उछृंगलता नै हो ।

राजदूत यान्छीले नेपालमा चिनियाँ कम्पनीको काममा भएको समस्याबारे अध्ययन गरिरहेको बताउंदै धेरै खालका समस्या रहेको कम्पनीहरुले पनि बताउने गरेको मन्त्रीलाई जानकारी गराएकी थिइन । राजदूतका अनुससार चिनियाँ कम्पनीले भिसा, प्राकृतिक प्रकोप र जग्गाको अधिग्रहण लगायतका समस्याले पनि काममा आशातित प्रगति नभएको बताएकी थिइन ।
चिनियाँ कम्पनीले काम गरिरहेको त्रिशूली थ्री एमा ढिलाइ भइरहेको भन्दै नेपाल सरकार सन्तुष्ट नभएको मन्त्रीले बताएका थिए ।

    Comment Here!


सम्बन्धित समाचार

View All