काठमाडौं, २० जेठ । नचिनेको व्यक्तिसँग कुरा गरेको भन्दै श्रीमानले श्रीमतीको हत्या गरेका छन् । अपरिचित नम्बरमा फोन गरेको भन्दै धनुषाका एक व्यक्तिले श्रीमतीको हत्या गरेका हुन् ।
सबैला नगरपालिका ४ का २२ बर्षीय रहमत राईनले श्रीमती नुर जहाँ खातुनको हत्या गरेका हुन् । घटना जेठ १७ गतेको हो । घटनापछि फरार भएका राइनलाई आइतबार पक्राउ गरिएको छ ।
पक्राउ परेका उनले अपरिचित नम्बरमा फोनमा कुरा गरेकै कारण हत्या गरेको प्रहरीलाई बयान दिएका छन् । राइनले यो बिषयमा धेरै पटक झगडा हुँदा समेत कुरा गर्न नछाडेकाले हत्या गरेको बयान दिएको धनुषाका डीएसपी रामेश्वर कार्कीले जानकारी दिनुभयो ।
पक्राउ परेका राइनलाई धनुषा जिल्ला अदालत जनकपुरधामबाट म्याद थप गराई ज्यान सम्बन्धी कसुरमा अनुसन्धान शुरु गरिएको छ ।
प्रतिक्रिया दिनुहोस्