धादिङ बस दुर्घटना अपडेट – पाँच जनाको मृत्यु , उद्धार कार्य जारी

2019-05-19 08:57

This image has an empty alt attribute; its file name is 60552040_454534101964319_302706670797062144_n.jpg


काठमाडौं, ५ जेठ ।  झापाबाट काठमाडौं आउदै गरेको बस त्रिशुली नदिमा खस्दा मृत्यु हुनेको सख्या पाँच पुगेको छ । धादिङको गजुरी गाउँपालिका–६ बन्छेटारस्थित त्रिशुली नदिमा बस खस्दा पाँच जनाको मृत्यु भएको हो ।
चार जनाको घटनास्थलमा र एक जनाको उपचारका क्रममा मृत्यु भएको प्रहरीले जानकारी दिएको छ । मृत्यु हुनेमा एक महिला र ४ जना पुरुष रहेको उद्धारका लागि घटनास्थलमा रहनु भएका प्रहरी उपरीक्षक राजकुमार वैदवारले बताउनु भयो । झापाको काँकडभिट्टाबाट काठमाडौंका लागि छुटेको ना ७ ख ४३८७ नम्बरको यात्रुबाहक बस बिहान ६ बजे त्रिशुली नदीमा खसेको थियो।
दुर्घटनामा २८ जना घाइते भएका छन् । घाइतेमध्ये १४ जनालाई स्थानीय स्वास्थ्य संस्थामा सामान्य उपचारपछि काठमाडौँ पठाइएको छ । मृतकको सनाखत भएको छैन । बाँकी घाइतेको स्थानीय गजुरी, आदमघाट, मलेखु लगायतका अस्पतालहरुमा उपचार भइरहेको छ। बस सडकबाट ६० मिटर तल त्रिशुली नदिमा खसेको हो । दुर्घटनास्थलमा नेपाल प्रहरी, नेपाली सेना, शसस्त्र प्रहरीको टोलीले उद्धार कार्य गरिरहेको छ

    Comment Here!


सम्बन्धित समाचार

View All