अव नेपाली नयां वर्षमा पनि न्यु ईयर ईभ



भैरहवा, २२ चैत्र । सामान्यतया अंग्रेजी नयां वर्षमा मात्र मनाईने गरेको न्यु ईयर ईभ अव नेपाली नयां वर्षमा पनि मनाउन सुरु गरिएको छ । २०७६ साललाई स्वागत गर्न शुभ ओम कम्पनी प्रा।लि।द्वारा सञ्चालित होटल पौवा भैरहवाले नेपाली नयां वर्षमा न्यु ईयर ईभ गर्न थालेको हो ।
होटल पौवाले नयाँ वर्षलाई स्वागत चैत्र मसान्त अर्थात चैत्र ३० गते न्यु इयर इभ–२०७६ को आयोजना गर्ने जानकारी दिएको छ ।
शुक्रबार भैरहवामा पत्रकार सम्मेलन गरी आयोजकले कार्यक्रम बारे जानकारी गराएको छ । विगत चार वर्ष देखि सेवा प्रवाह गर्दै आएको होटल पौवाले आयोजना गर्ने सांस्कृतिक कार्यक्रममा राष्ट्रिय ख्यातीप्राप्त कलाकार पशुपति शर्मा, कमल खत्री, सन्तोष लामा लगायत स्थानीय कलाकारहरुको विशेष प्रस्तुती रहने शुभ ओम कम्पनी प्रा।लि।का अध्यक्ष हरि बहादुर थापाले बताउनु भयो ।
नाफा कमाउने उद्धेश्य भन्दा पनि नयाँ वर्ष मनाउन भैरहवा बाहिर जान नपरोस भन्ने उद्धेश्यका साथ कार्यक्रमको आयोजना गरिएको थापाको भनाई छ ।
कार्यक्रमलाई व्यवस्थित र सुरक्षित बनाउन सबै पक्षसंग सहकार्य गरिएको होटल पौवा भैरहवाका शाखा प्रबन्धक विष्णु भण्डारीले बताउनु भयो। कार्यक्रममा ४ हजार बढी दर्शक र ५ लाखको काराबोर हुने लक्ष्य लिइएको आयोजकले जनाएको छ । कार्यक्रम साँझ ६ बजे देखि मध्यराती १२ बजे सम्म आयोजना हुनेछ । नयाँ वर्ष २०७६ लाई स्वागत गर्दै कार्यक्रमको समापन हुने आयोजकले जनाएको छ । साढे २ विगाह क्षेत्रफलमा सञ्चालित होटल पौवाले ८ सय सिट क्षमताको ब्यान्क्वेट हल, ५ हजार जना अट्ने आउटडोर गार्डेन, २ वटा स्वीमिङ पुल, बोटिङ पोखरी, फेमिली लाउन्ज, आवास भवन, ब्याडमिन्टन कोर्ट जस्ता सुबिधाहरु उपलब्ध गराउंदै आएको छ ।
निकट भविष्यमै १ सय कोठा सहित रुपन्देहीकै उत्कृष्ट होटल बनाउने लक्ष्य रहेको कम्पनीले जनाएको छ ।

    Comment Here!


सम्बन्धित समाचार

View All