बुटवल, २० चैत्र ।
एन आई सी एसिया बैंकले आफ्नो २ औ वार्षिक उत्सव पारेर आक्रमक कार्यक्रमका साथ निक्षेप संकलनको कार्यक्रम अगाडी सारेको छ ।
बैंकका देशैभरीका शाखाहरुमा एकै पटक कार्यक्रम गर्दै बैंकले २२ वटा बिशेषताहरु सार्वजानीक गरेको छ । एन आई सि एसिया बैंकको प्रदेश नम्बर ५ को प्रदेश कार्यालयले आज बुटवलमा पत्रकार सम्मेलन गर्दै २२औं बार्षिक उत्सवका २२ बिशेषताहरु सार्वजानीक गरेको हो । आज सार्वजानीक गरिएको बिशेषताहरुमा चमत्कारीक बचत खाता, चमत्कारीक नारी बचत खाता, चमत्कारीक जेष्ठ नागरिक बचत खाता, चमत्कारीक बाबुनानी खाता, लगायत रहेका छन् ।
पत्रकार सम्मेलनमा बोल्दै बैंकका प्रदेश नम्बर ५ का ब्यवस्थापक तिलक सुन्दर कार्कीले आफ्ना ग्राहकहरुलाई बैंकले १८ प्रकारका प्राणघातक रोगको उपचार तथा १५ लाख सम्मको दुर्घटना बिमा बंैकले नै ब्यवस्था गरिदिएको जानकारी दिनुभयो ।

उल्लेखित निक्षेप योजनाहरुमा ग्राहकहरुले १५ लाखसम्मको दुर्घटना बिमा र १५ लाख सम्मको १८ घातक रोगहरुको बिमा तथा १ लाख ५० हजार सम्मको औषधी उपचार बिमा सुविधा समेत प्राप्त गर्न सक्नेछन् । साथै कर्जामा समेत विशेष छुट र सहुलियत प्रदान गर्ने गरी ल्याइएको उक्त योजनाहरुमा २२ चमत्कारिक फाइदासहित ल्याइएको योजनालेसबै क्षेत्र, भेग, तह र तप्कालाई फाइदा पुग्ने बैंकले विश्वास लिएको छ ।
यी चमत्कारिक बचत निक्षेप खाता बैंकको मुलुकभरी रहेका २ सय ८१ वटै शाखा कार्यालय तथा अनलाइनबाटै सहज रुपमा खोल्न सकिने बैंकले जनाएको छ ।
बैंकले सार्वजनिक गरेको निक्षेप योजनामा अन्य अतिरिक्त योजना पनि छन् । जसमा नेपालमै पहिलो पटक स्वाईप इनस्वाईप आउटको सुविधाबाट बचत खातामा मुद्दती खाताकै सुविधाहरु पाईने छन । देशैभरी रहेका कुनै पनि बैंकको कुनै पनि एटीएमबाट रकम निकाल्दा शुल्क नलाग्ने फाइदा लगायत चमत्कारिक फाइदासमेत प्रदान गरिने गरी चमत्कारिक बचत खाताहरुको योजना ल्याइएको बैंकले जनाएको छ ।
त्यसैगरी, चमत्कारिक विद्यार्थी बचत योजना र आम कर्मचारी वर्गलाई सहुलियत दरमा कर्जा प्रदान गर्ने, अग्रिम तलब प्रदान गर्ने क्रेडिट कार्डको सुविधा प्रदान गर्ने चमत्कारिक फाइदाहरुको साथ चमत्कारिक तलब बचत योजनाहरु पनि बैंकले ल्याएको छ ।
बैंकका मुलुकभर कुल २ सय ८१ वटा शाखा, २ सय ८९ वटा एटिएम, ३९ वटा एक्सटेन्सन काउन्ट र २३ वटा शाखा रहित बैंकीङ्ग एकाई रहेका छन् ।बैंकका अनुसार एन आईसी एसिया बैंकको प्रदेश नम्बर ५ मा मात्र ५१ शाखाबाट १९ अर्व लगानी गर्दै १३ अर्व निक्षेप संकलन गरेको छ । प्रदेशमा बैंकका १ लाख ३० हजार ग्राहकहरु रहेकाछन् ।