काठमाडौं,२६ पुस । अवकास प्राप्त प्रहरी कर्मचारीहरुलाई पनि साथमा लिई काम गर्न सकेमात्र प्रहरी संगठनले अपेक्षित सफलता हासिल गर्न सक्ने अवकास प्राप्त प्रहरी कर्मचारीहले बताएका छन् ।

टोखा नगरपालिका ५ मजकुर कार्यालयको वडा एरियामा बसोबास गर्ने पूर्वप्रहरी कर्मचारीहरुसँगको अन्तरक्रिया कार्यक्रममा उनीहरुले उक्त कुरा बताएका हुन् ।

प्रहरी संगठनले अवकासप्राप्त प्रहरीको अनुभवलाई समेत सदुपयोग गर्नेतर्फ ध्यान दिइनुपर्ने, उनीहरुको ज्ञान सिपलाई भेट्रान वारको रुपमा लिई शान्ति सुरक्षालाई अगाडी बढाउनुपर्ने बिषयमा सधै चनाखो हुनु पर्नेमा उनीहरुले जोड दिएका छन् ।

प्रहरी संगठनमा ९० प्रतिशतभन्दा बढी तल्लो तहका प्रहरी कर्मचारी रहेको बताउँदै तल्लो तहका प्रहरी कर्मचारीलाई नै बढी तालिमको व्यवस्था गरी प्रहरीलाई बिशिष्टिकरण गर्दै अघि बढ्नुपर्ने उनीहरुको सुझाव छ ।

कार्यक्रममा अवकाशप्राप्त प्रहरी अधिकृतहरु प्रहरी नायब महानिरिक्षक केश बहादुर शाही, प्रहरी नाायव महानिरीक्षक हिम बहादुर गुरुङ, प्रहरी बरिष्ठ उपरीक्षक बसन्त राज कुवर, प्रहरी बरिष्ठ उपरीक्षक चुडा बहादुर श्रेष्ठ र प्रहरी उपरीक्षक गिता उप्रेती लगायतले आआफ्‍नो धारणा राखेका थिए ।

कार्यक्रममा आएका सुझावलाई आफ्नो मार्ग दर्शकको रुपमा लिई अघि बढ्ने मजकुर कार्यालयका कार्यालय प्रमुख प्रहरी बरिष्ठ उपरीक्षक बसन्त कुमार लामाले प्रतिवद्धता व्यक्त गरे ।