एजेन्सी,१४ मङसिर । भारतीय प्रधानमन्त्री नरेन्द्र मोदी र संयुक्त राष्ट्रसंघका महासचिव एन्टोनिओ गुटेर्रेसबीच औद्योगिक राष्ट्रको समूह जी–२० को बैठकमा भेटवार्ता भएको छ ।
स्थानीय समयानुसार बिहीबार शुरु भएको सम्मेलनको क्रममा यी दुई नेताबीच भएको भेटवार्तामा विश्वव्यापी जलवायु परिवर्तनमा भारतको भूमिकाको विषयमा छलफल भएको बताइएको छ ।
भारतीय विदेश मन्त्रालयका प्रवक्ता रविस कुमारले ट्वीट गर्दै मोदी र गुटेर्रेसबीच भएको भेटवार्तामा जलवायु परिवर्तनको विषयमा भारतले खेल्नु पर्ने सशक्त भूमिका र सम्बोधनको विषयमा छलफल भएको बताउनुभएको छ ।
भारतीय प्रधानमन्त्री नरेन्द्र मोदी जी–२० को बैठकमा भाग लिने क्रममा अर्जेन्टिना आइपुग्नु भएको हो । संयुक्त राष्ट्रसंघका महासचिव गुटेर्रेसले मोदीलाई दुई महिनाको अवधिमा भेट्नुभएको यो दोस्रो पटक हो ।
प्रतिक्रिया दिनुहोस्