पोखरा,२० कात्तिक । प्रहरी महानिरीक्षक सर्वेन्द्र खनालले पोखरामा लुकिछिपी बसेका गुण्डालाई तह लगाउन कास्की प्रहरीलाई आग्रह गरेका छन । पछिल्लो समय पोखरामा गुण्डागर्दी शुन्य अवस्थामा रहेतापनि कहिकतै लुकिछिपी गुण्डागर्दीको योजना बनाउन सक्ने भएकाले तिनको पहिचान गरी तह लगाउन महानिरीक्षक खनालले आग्रह गरेका हुन । 

कास्की प्रहरीले आज आयोजना गरेको समुदाय प्रहरी साझेदारी अन्तरक्रिया तथा शुभकामना आदान – प्रदान कार्यक्रमलाई सम्बोधन गर्दै प्रहरी महानिरीक्षक खनालले पोखरामा कुनैपनि गुण्डागर्दी भएमा तत्काल एक्सनमा उत्रन प्रहरीलाई आग्रह गरे ।

खनालले पछिल्लो समय पोखरामा गुण्डागर्दी शुन्य अवस्थामा पुगेको भएतापनि कहिकतै लुकिछिपी विभिन्न योजनाहरु बनाउन सक्ने भन्दै त्यसप्रति प्रहरीलाई सचेत गराउदै त्यस्तो भेटिएमा तत्काल एक्सनमा जान आग्रह गरे ।

त्यसैगरी कास्की प्रहरीले छोटो समयमा झण्डै १ हजारको संख्यामा फरार अपराधी समात्न सफल भएको र बलात्कार र हत्यामा संलग्नलाई समेत तत्काल पक्राउ गर्न सक्षम भइ प्रहरीको काम कर्तब्यलाई पोखरेली जनतामाझ उच्च छवि बनाउन सफल भएको वताउदै आगामी दिनमा उमेर कम भएका फरार अपराधीहरुलाई पक्राउ गर्न आग्रह गरे ।

७० , ८० वर्षको फरार अपराधी भन्दापनि कम उमेर जसले फेरीपनि घटना दोहो¥याउन सक्छ त्यस्ता अपराधीहरुलाई कारबाहीको दायरामा ल्याइ घटनाबाट जोगाउनतर्फ कास्की प्रहरीलाई निर्देशन दिए ।