काठमाडौं,१८ कात्तिक ।नेपाल कम्युनिष्ट पार्टी नेकपाका अध्यक्ष पुष्पमकल दाहाल प्रचण्डले कर्मचारीतन्त्रले ऐतिहासिक परिवर्तनलाई आत्मसात् गर्न नसकेका कारण नागरिकले महसुस हुने गरी सरकारको काम नदेखिएको बताउनुभएको छ ।

पार्टीको रुपन्देही जिल्ला समितिले शनिबार बुटवलमा दशैं, तिहार र छठ पर्वको अवसरमा आयोजना गरेको शुभकामना आदान – प्रदान कार्यक्रमलाई सम्बोधन गर्दै अध्यक्ष प्रचण्डले एतिहासिक परिवर्तलाई कर्मचारीतन्त्रले आत्मसात् गर्न नसकेकाले सरकारले तीव्र गतिमा काम गर्न नसकेको बतानुभएको छ । उहाले संघीयताको मर्म र महत्व कर्मचारीतन्त्रलाई बुझाइने र बुझ्न नचाहनेलाई निष्कासन गरेर भए पनि संघीयता कार्यान्वयन गरिने जिकिर गर्नुभयो ।

अध्यक्ष प्रचण्डले आगामी ५ वर्षमा विकासका पूर्वाधार तयार हुने र १० वर्षमा नेपाललाई एसियाली मापदण्डका देशहरुभन्दा माथि पु¥याउने लक्ष्यका साथ सरकार अगाडि बढिरहेको दावी गर्नुभयो ।

नेपालमा आएको परिवर्तन प्रतिक्रीयावादीको दयाबाट प्राप्त नभएको बताउंदै उहाले हजारौं जनताको बलिदानीबाट परिवर्तन आएकाले यसलाई असफल पार्ने सपना नदेख्न चेतावनी दिनुभयो ।

नेकपाका महासचिव बिष्णु पौडेलले नेकपा एमाले र माओवादी केन्द्रकाबीच भएको एकता एकताका लागि मात्र नभएर मुलुकमा रहेको सम्पूर्ण विभेदहरुको अन्त्यका लागि भएको जिकिर गर्नुभउो । उहा“ले एकता सम्पन्न भयो भने नेतृत्व चुप लागेर नबसेको उल्लेख गर्दै समाजबादी गन्तब्य पूरा गर्न पार्टी नेताहरु क्रियाशिल रहेको स्पष्ट पार्नुभयो ।

कार्यक्रममा प्रदेश नम्बर ५का मुख्य मन्त्री शंकर पोखरेल, स्थायी समिती सदस्य चन्द्रप्रकाश खनाल र टोपबहादुर रायमाझी, ५ नम्बर प्रदेश कमिटीका अध्यक्ष ओनसरि घर्ती लगायतले पार्टी एकीकरणलाई छिटो भन्दा छिटो तल्लो किायसम्म पु¥याउन आवश्यक रहेको बताएका थिए ।