एजेन्सी,५ कात्तिक । आणविक अस्त्रसम्बन्धी शीतयुद्धकालीन ऐतिहासिक सन्धिबाट अलग हुने अमेरिकी राष्ट्रपति डोनाल्ड ट्रम्पको निर्णय विरुद्ध रुसले चेतावनीयुक्त प्रतिक्रिया दिएको छ ।

शितयुद्धको समयमा तत्कालिन सोभियत संघसंग भएको ‘इन्टरमिडिएट रेन्ज न्यूक्लियर फोर्सेज’ (आईएनएफ) सन्धिबाट बाहिरिने अमेरिकी राष्ट्रपति डोनाल्ड ट्रम्पले घोषणा गरे पछि रुसले चेतावनी युद्ध प्रतिक्रिया दिएको हो ।

सन् १९८७ को सन्धिले जमिनबाट ५ सयदेखि ५ हजार ५ सय किलोमिटरसम्म मार हान्न सक्ने मध्यम दूरीका क्षेप्यास्त्रको विकासमा प्रतिबन्ध लगाएको थियो । राष्ट्रपति ट्रम्पले नेभादा राज्यमा चुनावी ¥यालीपछि पत्रकारहरुलाई सम्बोधन गर्दै आफूलाई अनुमति नभएको अस्त्रको विकास गर्न अमेरिकाले रुसलाई नदिने बताएका थिए ।

तर, सम्झौताको उल्लंघन भए आणविक हतियार विकास सम्बन्धी सबै सन्धीहरु औचित्यहिन हुने र विश्व पुनः शितयुद्धको अवस्थामा पुग्ने रुसले बताएको हो । ट्रम्पको निर्णयले विश्वमा आणविक हतियारको होडवाजी सुरु हुने भन्दै रुसले आणविक युद्धको समेत चेतावनी दिएको छ ।

रुसी विदेश मन्त्रालयले अमेरिकी कदम आफू मात्र महाशक्ति रहने ‘एउटै ध्रुव हुने संसारको कल्पनाबाट अभिप्रेरित’ भएको प्रतिक्रिया दिएको छ । ट्रम्पले पूर्व राष्ट्रपति बराक ओबामाले त्यसबारे वार्ता वा सम्झौताबाट अलग हुने निर्णय नगरेको समेत आरोप लगाएका थिए ।

रुसले एउटा क्रुज क्षेप्यास्त्रको परीक्षण गरेपछि सन् २०१४ मा तत्कालीन राष्ट्रपति ओबामाले मस्कोले आईएनएफको उल्लङ्घन गरेको आरोप लगाएका थिए । तर त्यतिबेला ओबामाले सन्धिबाट हुने निर्णय भने गरेका थिएनन् । आईएनएफ सन्धिको उल्लङ्घन गर्दै रुसले ’नोभाटोर नाइन एम सेभेन टुनाइन’ नामक मध्य मदूरीको एउटा नया“ क्षेप्यास्त्रको विकास गरेको अमेरिकी आरोप छ ।