एजेन्सी ,३१ असोज । पाकिस्तानमा ६ वर्षीया बालीकालाई बलात्कारपछि हत्या गर्ने एक जनालाई फासी दिएको छ । बलात्कारपछि एक बालिकाको हत्या गरिएको घटनामा दोषी पाइएका २४ वर्षीय इमरान अलीलाई फाँसी दिइएको हो । गत ज्यानुअरीमा बलात्कार गरी ६ वर्षीया बालिका जैनब अन्सारीको हत्या गरिएको थियो।

हत्या गरी फालिएकी जैनबको शव फोहोरको थुप्रोमा फेला परेको थियो । लहोरस्थित एउटा जेलमा बुधवार बिहानै फाँसी दिइएको प्रहरीले जनाएको छ।

दोषीलाई फाँसी दिइएका बेला जैनबको परिवार र आफन्त पनि उपस्थित थिए।कसुर नगरमा बलात्कारपछि हत्या गरिएको जघन्य अपराधले पाकिस्तानमा व्यापक आक्रोश निमत्याएको थियो र घटनाको विरोधमा देशभरि प्रदर्शनहरू भएका थिए।