काठमाडौं,३० असोज । संघीय संसदको माथिल्लो सदन राष्ट्रिय सभामा सत्तारुढ नेकपा संसदीय दलका नेता दीनानाथ शर्माले प्रतिपक्षी दललाई विश्वासमा लिएरै विधेयक पास हुने गरेको बताउनुभएको छ ।

एबीसी न्यूजसँग विशेष कुराकानी गर्दै नेता शर्माले संविधान कार्यान्वयनको लागि आवश्यक पर्ने सम्पूर्ण विधेयकहरु पारित गर्न प्रतिपक्षी दलसँग प्रयाप्त छलफल र संशोधनको लागि समय भएको बताउनुभयो । उँहाले स्वयम राष्ट्रिय सभाले स्वयम् आफै विधेयकहरु तयार गरी छलफलका लागि प्रतिनिधिसभामा पढाएको बताउनुभयो ।
केही दिन अघि, प्रमुख प्रतिपक्षी दल नेपाली कांग्रेसले राष्ट्रिय सभालाई सत्तारुढ दलले प्रतिनिधिसभाको छायांका रुपमा मात्र प्रयोग गरेको आरोप लगाएको थियो । तर, नेता शर्माले, राष्ट्रिय सभा र प्रतिनिधि सभाबीच आपसी समन्वयमै विधेयकहरुमाथि प्रयाप्त छलफल, संशोधन र बहसपछि मात्र पारित हुने गरेको स्पष्ट पार्नुभयो ।

अझै पनि संविधान कार्यन्वयनको लागि केही विधेयकहरु पारित गर्नुगर्ने काम बाँकी भएको भन्दै शर्माले आगामी अधिबेशनले ती कामलाई पूर्णता दिने विश्वास व्यक्त गर्नुभयो ।

शर्माले यदि मुलुकलाई तत्कालै अत्यावश्यक ऐन कानून चाहिएमा तयारी अवस्थामा रहेका विधेयकलाई अध्यादेश मार्फत समेत ल्याउन सकिने तर्क गर्नुभयो ।

संघीयता कार्यान्वयनको चरण भएकाले सम्र्पूण काम पुरा हुन अझै केही समय लाग्ने भन्दै नेता शर्माले संसद र सरकारले जनसोरकारका विषयलाई केन्द्रमा राखेको दाबी गर्नुभयो ।