काठमाडौं,३० असोज । कर्णाली नदीमा डुंगा दुर्घटना हुँदा दुई जना बेपत्ता भएका छन्। कैलाली चिसापानीको कर्णाली नदीमा साँझ भएको दुर्घटनामा तीन जना पौडेर बाँच्न सफल भएका छन् । डुंगा पल्टिँदा कैलालीकै जोशीपुर गाँउपालिका(५ का २२ वर्षीय समिर बडेला र २३ वर्षीय पुरुषोत्तम चौधरी बेपत्ता भएका हुन्।
सवार पाँच जनामध्ये अन्य तीन जनाले भने पौडेर ज्यान जोगाएका जिल्ला प्रहरी कार्यालय कैलालीले जनाएको छ।
बेपत्ताहरूको मंगलबार बिहानैदेखि सशस्त्र प्रहरी र नेपाली सेनाको सहयोगमा खोजी भइरहेको बताइएको छ । डुंगा दुर्घटना भएकै दिन सोमबार साँझ परिसकेकाले खोजी हुन नसकेको प्रहरीले जनाएको छ।
प्रतिक्रिया दिनुहोस्