काठमाडौं,२० असोज । विश्वभर वार्षिक रूपमा १ करोड ७ लाख मानिसलाई स्तन क्यान्सर हुने गरेको विश्व स्वास्थ्य संगठनले जनाएको छ । नेपालमा स्तन क्यान्सरका बारेमा औपचारिक तथ्यांक नभए पनि क्यान्सरबाट मर्ने कुल १५ हजारमा शून्य दशमलव ५ प्रतिशतको स्तन क्यान्सरबाट मृत्यु हुने गरेको एक तथ्याकले देखाएको छ ।

स्तन क्यान्सर बारे जानकारी दिने उदेश्यले आज एक कार्यक्रम गरिएको छ । स्तन क्यान्सर वंशानुगत रोग पनि हो । उनका अनुसार महिलामा स्तन क्यान्सरको समस्या पछिल्लो समय बढ्दो क्रममा छ । नेपालमा वर्षेनी ५ हजार जना बिरामी स्तन क्यान्सरको फेला पर्ने गरेको गरेको उपचारमा संलग्न डाक्टरहरु बताउछन् ।

पश्चिमा मुलुकमा ५० नाघेपछि महिलामा स्तन क्यान्सर देखिए पनि नेपालमा भने ४० देखि ५० वर्षको उमेरमै यो समस्या देखिन थालेको छ । सुरुआती चरणमै यो क्यान्सर पत्ता नलागिकन अन्तिम चरणमा पत्ता लाग्दा ज्यानै जाने जोखिम छ ।

‘स्तन क्यान्सर निको हुने रोग हो, यसको उपचार गर्न विदेशमा जानुपर्दैन,’ डा. पुष्पराम भक्त माथेमा भन्नु हुन्छ , यस रोगको नेपालमै उपचारहुने बताउदै यसको जाँच गर्न मेमोग्राम, स्तनको अल्ट्रासाउन्ड र डाक्टरसँगको परीक्षण गर्नु आवश्यक पर्छ । ‘क्यान्सरका विभिन्न चार चरणमध्ये सुरुको दुई चरणमा उपचार गरे क्यान्सर रोगबाट बच्ने सम्मभावना धेरै हुन्छ, ।

पछिल्लो समयमा जीवन शैलीमा आएको परिवर्तनले क्यान्सर लगायतका रोग बढ्दै गएको बताए । ‘व्यक्तिहरू योग, प्राणायाम र अभ्यास, कसरत गर्न समय पनि भएको र खानपिनको शैली पनि परिवर्तन भएको छ मानिसहरू छाकैपिच्छे मासु खाने गरेका छन् ।’ चुरोट, जाँड रक्सीको सेवन गर्नेको संख्या बढ्नु पनि क्यान्सर रोगीको संख्या बढ्नुसरह भएको उनले बताए ।

सनराईज बैकंको प्रयोजनमा काठमाडौ मेडिकल कलेजको रोट्रयाक कल्वको सहयोगमा Nepal Cancer Survivors Society को आयोजनामा आज बाट जनचेतानामूलक कार्यक्रम गरेको छ । उक्त सोसाइटीले एक महिना सम्म स्तन क्यान्सर बारे जनचेतनामूलक कार्यक्रम गर्ने बताएको छ । स्तन क्यान्सर पीडित र सफलतापूर्वक स्तन क्यान्सर कार्यक्रममा सहभागिहरुले आफनो क्यान्सर रोग निको भएको आफ्ना अनुभव सुनाएका थिए । उनीहरूले बिरामीको आत्मविश्वास, सकारात्मक सोच, सतर्कता, व्यायाम, परिवारको साथ र सही समयमा सही डाक्टरको उपचार पाए क्यान्सर निको हुने दाबी गरे ।