काठमाडौं, १८ असोज ।  गोरखा जिल्लाको बारपाक सुलिकोट सबै भन्दा पहिलो र छिटो पुननिर्माणको काम सकेर प्रमाण पत्र बितरण गर्ने गाउँपालीका बनेको छ ।
बारपाक सुलिकोट गाउँपालिकाले एक कार्यक्रमको आयोजना गरेर घर सम्पन्नताको प्रमाण पत्र वितरण गरेको हो ।
सुलिकोट वडा न ४ शौरपानीमा भएको उक्त कार्यक्रममा सघिय सांसद चुडामणि खड्काको प्रमुख आथित्यता रहेको थियो ।

कार्यक्रमको अध्यक्षता गाउपालिकाका अध्यक्ष बिष्णु प्रसाद भट्टको गरेका थिए भने रास्टि«य प्राधिकरण कार्यकारी समिति सदस्य हरेराम पराजुलिको विशेष आथित्यता कार्यक्रम सम्पन्न भएको थियो । उक्त कार्यक्रममा उपप्रमुख सन् माया गुरुङ , वडा अध्यक्ष भिम ब गुरुङ वाइसिएल नेपाल गोरखा जिल्लाका अध्यक्ष सुदिप नगरकोट उपस्थित साथै स्थानीय पार्टीका नेताहरु , नेपाली काग्रेसका केसरी प्रसाद ढकाल , नेकपाका मोहन ढकाल , जाईका नेपालका प्रतीनिधि ओटा , जाईका जापान परामर्श दाता नाना , जाईका परामर्श प्रतीनिधि नेपाल भुपेन्द्र बहादुर बस्नेतले कार्यक्रममा  आ– आफ्नो धारणा ब्यक्त गरेका थिए ।

कार्यक्रममा सांसद खड्काले पुननिर्माण छिटो भएकोमा खुसि ब्यक्त गर्दै आफ्नो पार्टीले जनताको भावना र उदेश्य लाई बुझेर काम गरिरहेको र देस को प्रगती र समृद्धि को लागि सरकारले एजेण्डा बनाएन अघि बढ्नुुका साथै सौरपानी सङ्ग आफ्नो रगतको नाता भएको हुदाँ यस क्षेको बिकास गर्ने बताए ।

खड्काले विकास निमार्णमा आफ्नो क्षेत्रबाट सक्दो कोसिस गर्ने बताउदै विशेष गरि शिक्षा , खानेपानी , बाटो र युवाहरुको लागि स्वरोजगार कार्यक्रम लाई आफूले पहल गर्न बताए । सौरपानी १७०३ घर धुरी लाभग्राही रहेकोमा ९५३ घर धुरि सम्पन्न भएका छन् । उक्त कार्यक्रममा ७८ घर धुरीलाई सांसद खड्का , गाउपालिकाका अध्यक्ष बिष्णु प्रसाद भट्ट र राष्ट्रिय प्राधिकरण कार्यकारी सदस्य हरेराम पराजुलिले संयुक्त रुपमा प्रमाणपत्र हस्तान्तरण गरेका छन् । बाकी सम्पन्न भएका घर लाई क्रमश प्रमाण पत्र बितरण गरिने गाउपालिकाका अध्यक्ष भट्टले जानकारि दिए ।