काठमाडौं, ५ असोज । रुकुममा एक महिला बलात्कृत भएकी छन । जंगलमा गाईबस्तु चराउन गएको अवस्थामा २५ वर्षीया महिला बलात्कृत भएकी हुन ।
बलात्कार गर्नेमा भुमे गाउँपालिका–२ लोम्मा बस्ने ३६ वर्षीय फर्कमान पुन रहेका छन् । उनलाई प्रहरीले बलात्कार गरेको आरोपमा पक्राउ गरेको छ ।
जंगलमा गाईबस्तु चराउन गएको अवस्थामा महिलालाई भदौ ५ गते बलात्कार गरेको बताइएको छ ।
घटनाको एक महिनापछि पीडित महिलाले विहीबार जिल्ला प्रहरी कार्यालयमा उजुरी दिएपछि घटना सार्वजनिक भएको हो । प्रहरीले पुनलाई विहीबार नै पक्राउ गरेको हो । घटनाका सम्बन्धमा आवश्यक अनुसन्धान भइरहेको प्रहरीले जनाएको छ ।
प्रतिक्रिया दिनुहोस्