रसुवा, ३ असोज । सविधानको मर्म र भावनाअनुरुप कार्य गरी अगाडि बढ्न रसुवावासीलाई आग्रह गरिएको छ ।

सविधान दिवसका अवसरमा आयोजित समारोहमा जिल्ला समन्वय समितिका प्रमुख कुलप्रसाद भट्टले सविधानद्वारा निर्दिष्ट प्रावधानमा रही सङ्घीयता कार्यान्वयन गर्न र गाउँ समाजको विकासमा हातेमालो गरी अगाडि बढ्न रसुवावासीलाई आग्रह गर्नुभयो ।

गाउँ समाजमा एक आपसी सद्भाव बढाउने, दिगोखाले विकासमा सहभागिता, बालबालिकालाई नियमित विद्यालय पठाउने, समयसमयमा स्वास्थ्य परीक्षण गराई रोग लाग्नुबाट बच्ने, प्राङ्गरिक कृषि उपजको भोजन गर्ने, बृद्धबृद्धा र अपाङ्गता भएकालाई सहयोगको वातावरण सिर्जना गर्न सविधान दिवसले प्रेरणा मिल्ने समेत बताउनुभयो ।

बाजागाजासहित धुञ्चे बजार परिक्रमा गरी जिल्ला समन्वय समितिको प्राङ्गणमा आयोजित विशेष समारोहमा गोसाइँकुण्ड गाउँ पालिकाका प्रमुख कैसाङ नुर्पु तामाङले सविधानको भावना र मर्मअनुरुप आफ्नो गाउँपालिकाका चल्ने बताउनुभयो ।

नागरिक समाजका अध्यक्ष बाबुलाल तामाङ, नेपाल कम्युनिष्ट पार्टीका प्रतिनिधि माधवप्रसाद लामिछाने र प्रजिअ कृष्ण पौडेलले सविधानको कार्यान्वयन र जागरण क्रमशः अगाडि बढिरहेको पाइएको बताउनुभयो ।