काठमाडौं, ३ असोज । सिन्धुपाल्चोककी एक ३५ वर्षीया युवतीका श्रीमान १७ महिना देखि वैदेशिक रोजगारीका लागि मलेशिया छन् ।

घर नजिकैको देवर नाता पर्नेसंगको सम्बन्धवाट गर्भ रहे पछि उनी अहिले न घरको न घाटको भएकी छन् । श्रीमानले फोन गरेर अब आफ्नो घरमा नबस्न भने । उता गर्भ बोकाएर लामो समय देखि शारिरीक सम्पर्क राख्दै आएका देवर फरार भए । चार महिनाको गर्भ बोकेर ३५ वर्षीया महिलाको बिचल्ली भएको छ ।

एक छोरा र चार छोरीलाई श्रीमतीको जिम्मा लगाएर मलेसिया गएका श्रीमानको झन बेहाल भएको छ । उनी परिवारलाई सुख दिन पांच छोरा छोरी र श्रीमतीलाई छोडेर विदेश हानिएका थिए ।

जेठी छोरी अहिले कक्षामा ८ मा पढ्ने भएकी छन् । छोरा सानो दुई वर्षको मात्र छ । उ आमा बिना एक छिन पनि बस्न सक्दैन । यसरी अप्ठेरोमा परेपछि चार महिनाको गर्भ रहेकी ति महिला आत्महत्या गर्न भन्दै घरवाट हिडिन् तर उनलाई छिमेकीले बचाएर ल्याए । देवर समेत लापत्ता भएपछि उनी न्याय खोज्दै नजिकैको प्रहरी कार्यालय पुगीन् ।
प्रहरी कार्यालयमा उनले आफ्नो बेली बिस्तार लगाइन् । वैशाखदेखि नै छिमेकी देवरसँग यौन सम्बन्ध थियो । जेठ १० गते मेरो महिनावरी रोकियो ।
म सिन्धुपाल्चोकको भोटसीपामा बस्छु । देवर नाता पर्ने युवकसँगको सम्बन्धका कारण म अहिले समस्यामा परेकी छु । ति युवक पनि अहिले फरार छन् । अहिले म न घरको न घाटको भएको छु ।

श्रीमानले केही दिन अघि फोन गरेर मेरो घरमा बस्नु पर्दैन भन्नुभएको छ । अब यो चार महिनाको गर्भ बोकेर म कहाँ जाउँ ? पहिला दिनदिनै फकाउन आउँथ्यो । मेरै घरमा आएर पनि म संग सम्बन्ध राख्यो । अहिले मेरो महिनावारी रोकिएको थाहा पाएपछि देवर नाता पर्ने युवक पनि बेपत्ता भयो । आफैले गल्ति गरेका कारण माइतिमा जाने हिम्मत पनि गर्न सक्दिन । अब म कसरी बाँचु ? उनी अहिले गैरसरकारी संस्थाले संचालन गरेको सुधार गृहमा बसिरहेकी छन् ।