नयाँ दिल्ली, २२ भाद्र । भारत भ्रमणमा रहको नेपाल कम्युनिष्ट पार्टी (नेकपा)का अध्यक्ष तथा पूर्व प्रधानमन्त्री प्रचण्डले सीमा क्षेत्रमा नेपालीमाथि हुने लूटपाट र ज्यादती रोक्न भारतीय गृहमन्त्रीको ध्यानाकर्षण गराएका छन् ।
आज शुक्रबार नयाँदिल्लीमा अध्यक्ष प्रचण्ड र गृहमन्त्री राजनाथ सिंहबीच भएको भेटवार्ता उक्त कुरा बताएका हुन । भेटमा नेपाल भारत सम्बन्धका लागि अहिले सकारात्मक वातावरण बनेको भन्दै नेपालको आर्थिक समृद्धिमा दुबै देश मिलेर अघि बढ्ने छलफल भएको छ ।
भेटमा अध्यक्षले नेपाल र भारतबीच भएका समझदारीको प्रभावकारी कार्यान्वयनमा जोड दिए ।
गृहमन्त्री सिंहले सीमा क्षेत्रका सबै अधिकारीहरुलाई तत्कालै खबर गरी आगामी दिनमा त्यस्ता घटना घट्न नदिने विश्वास प्रचण्डलाई दिएका थिए ।
प्रतिक्रिया दिनुहोस्