ABC NEWS NEPAL | No.1 News channel of Nepal

Accuracy, Balance & Credibility - JOURNALISM

  • गृहपृष्ठ
  • मुख्य समाचार
  • समाचार
  • अन्तर्राष्ट्रिय
  • मनोरञ्जन
  • खेलकुद
  • अन्तर्वार्ता
  • सहित्यकला
  • English
  • समाचार
  • विशेष
  • रिपोर्ट
  • विचार
  • एबीसी विज
  • जीवनशैली
  • प्रवास
  • मनोरञ्जन
  • खेलकुद
  • प्रदेश बिशेष
    • प्रदेश १
    • प्रदेश २
    • बागमती
    • गण्डकी प्रदेश
    • वाग्मती प्रदेश
    • कर्णाली प्रदेश
    • सुदूरपश्चिम प्रदेश
  • सोसल भिडिया
  • Facebook
  • Twitter
  • Youtube
  • Instagram

भारतमा नेपाली कामदारले भोग्दैका समस्या चाँडै समाधान हुन्छन् – प्रचण्ड


abc

काठमाडौं, २२ भाद्र । भारत भ्रमणमा रहेका नेपाल कम्युनिस्ट पार्टी (नेकपा) का अध्यक्ष प्रचण्डले भारतमा काम गर्ने नेपालका समस्या चाँडै समाधान हुने बताएका छन् ।
भारत भ्रमणका क्रममा आज नेपाली राजदुतावासमा अखिल भारत नेपाली एकता मञ्च र प्रवासी नेपालीसंघका प्रतिनिधिसँगको छलफलमा प्रचण्डले भने, ‘भारतमा काम गर्ने तल्लो तहका कामदारदेखि स्वतन्त्र तरिकाले व्यवसाय सञ्चालन गर्ने नेपाली कामदारका विषयमा डिनर मिटिङमा यहाँका राष्ट्रिय सुरक्षा सल्लाहाकार अजित डोबलसँग कुराकानी भएको छ ।’

पूर्व प्रधानमन्त्रीसमेत रहेका प्रचण्डले अहिले दुवै देशमा बहुमतको सरकार रहेकाले भारतमा नेपाली कामदारले भोग्दैका समस्या समाधान हुने आश्वासन दिए । उनले सल्लाहाकार डोबलसँग झण्डै ३ घण्टा नेपालीका समस्या, दुई देशबीच भएका सम्झौताका बारेमा छलफल भएको पनि बताए ।

प्रचण्डले नेपाल र भारतबीच भएका विभिन्न सम्झौता र समझदारीमा केन्द्रित आफ्नो भ्रमण रहेकोसमेत बताएका छन् । प्रचण्डले भने,‘भारतले पटकपटक गरेका प्रतिवद्धतालाई कसरी कार्यान्वयन गर्ने भन्ने विषयमा छलफल केन्द्रित भएको छ ।’

प्रचण्डले भने, ‘प्रधानमन्त्री मोदीले नेपाल भ्रमणका बेला १ खर्ब सहयोग गर्ने भनिए पनि राम्रोसँग कार्यान्वयन भएको छैन । यो कार्यान्वयन हुनुपर्यो, भूकम्प पीडितलाई दिने भनिएको सबै आर्थिक सहयोग पुगेको छैन । यसलाई पनि छिट्टै कार्यान्वयनमा ल्याउनुपर्ने, हुलाकी राजमार्ग तथा ठूला परियोजना लगायतका विषयमा पनि मेरो र सुरक्षा सल्लाहाकारबीच छलफल भयो ।’

अध्यक्ष प्रचण्ड एयर इन्डियाको उडान नम्बर एआई २१६ बाट हिजो साँझ दिल्ली पुगेका थिए । प्रचण्डले शनिबार दिउँसो साढे १२ बजे भारतका प्रधानमन्त्री नरेन्द्र मोदीसँग ७ लोककल्याण मार्गस्थित प्रधानमन्त्रीनिवासमा भेटवार्ता गर्ने कार्यक्रम छ ।

दिल्ली जानुअघि पत्रकारसँग कुरा गर्दै प्रचण्डले नेपाल र भारतबीच यसअघि भएका सम्झौता र सहमति कार्यान्वयनमा जोड दिने बताएका थिए । शनिबार दिउँसो साढे १ बजे प्रचण्डको सम्मानमा भारतका विदेशमन्त्री सुष्मा स्वराजले दिवाभोज आयोजना गरेकी छन् । साँझ इन्डिया फाउन्डेसनद्वारा आयोजित विद्वत् समारोहलाई उनले सम्बोधन गर्ने कार्यक्रम छ ।

प्रचण्डको सम्मानमा बिहीबार साँझ भारतीय प्रधानमन्त्री नरेन्द्र मोदीका राष्ट्रिय सुरक्षा सल्लाहकार अजित डोभालले रात्रिभोज आयोजना गरेका छन् । डोभालले प्रचण्डसँग शिष्टाचार भेट पनि गरेका छन् ।

शुक्रबार साढे १२ बजे भारतका गृहमन्त्री राजनाथ सिंहले प्रचण्डसँग शिष्टाचार भेट गर्दै छन् । उनले साँझ ६ः३० बजे पिएचडिसिसिआईद्वारा आयोजित भारतीय उद्योगी व्यवसायीसँगको अन्तरक्रियामा सहभागी हुनेछन् ।

प्रतिक्रिया दिनुहोस्

भर्खरै

नेपाल एयरलाइन्सको दाबी – परिवर्तित उडान तालिकाबारे सबै यात्रुलाई खबर गरेका थियौँ

भूकम्पपीडितको अस्थायी आवास निर्माणमा सरकार गम्भीर छ – गृहमन्त्री

सम्बन्धित

नेपाल एयरलाइन्सको दाबी – परिवर्तित उडान तालिकाबारे सबै यात्रुलाई खबर गरेका थियौँ

भूकम्पपीडितको अस्थायी आवास निर्माणमा सरकार गम्भीर छ – गृहमन्त्री

इजरायल–हमास युद्धविराम थप १ दिन लम्ब्याइयो

गलत प्रवृत्तिका केही व्यक्ति पार्टीमा आएका छन् रविको स्वीकारोक्ति

रविको राजनीतिक प्रतिवेदन – मध्यावधि हुनसक्छ, स्ट्याण्डबाइ रहौंं

एमालेले सुरु गर्‍यो महाकाली-मेची अभियान

ABC NEWS NEPAL | No.1 News channel of Nepal
एबीसी मिडिया ग्रुप प्रा.लि.
  • सूचना विभागमा दर्ता नं. : २००१।०७७–०७८
  • कार्यालय सम्पर्क
  • New Plaza, Putalisadak Kathmandu - 30
    +977 01 4240666 / 977-014011122
    Admin: [email protected]
    News: [email protected]
    विज्ञापनका लागि सम्पर्क
  • +977 9802082541, 9802018150
    [email protected]
साइट नेभिगेशन
  • गृहपृष्‍ठ
  • समाचार
  • विशेष
  • अन्तर्वार्ता
  • एबीसी विज
  • जीवनशैली
  • मनोरञ्जन
  • विचार
  • SS Opinion
एबीसी मिडिया ग्रुप प्रा.लि.टीम
  • अध्यक्ष / प्रधान सम्पादक : शुभ शंकर कँडेल
  • प्रबन्ध निर्देशक : शारदा शर्मा
  • सम्पादक : डण्ड गुरुङ
  • सह-सम्पादक : कविराज बुढाक्षेत्री
©2023 ABC NEWS NEPAL | No.1 News channel of Nepal | Website by appharu.com
 

Loading Comments...