बारा ५ भाद्र । पूर्वपश्चिम राजमार्गको निजगढ–पथलैया सडक खण्डको शहजनाथ मन्दिर काँटगाँउ प्रवेशद्धार अगाडी मोटरसाईकल र ट्रक जुध्दा मंगलबार एक जनाको मृत्यु भएको छ ।
मृत्यु हुनेमा मोटरसाईकल चालक बाराको करैयामाई गाँउपालिका–१ मधुबनका २३ वर्षिय भिष्म चौधरी रहेका छन्।
एक किलो मिटर पश्चिम पसाहा पुलमा ज्वाईलाई छोडेर घर फर्किने क्रममा चौधरी चढेको ना. ५ ख २४०६ नम्बरको मोटरसाईकललाई सोहि दिशाबाट आउँदै गरेको ना ४२प १२६३ नम्बरको ट्रकले ठक्कर दिदा उनको घटनास्थलमा नै मृत्यु भएको ईलाका प्रहरी कार्यालय निजगढले जनाएको छ ।
प्रहरीले ट्रक चालकलाई नियन्त्रणमा लिएको छ । मृतकको शव पोष्टमार्टनका लागि चन्द्रपुर अस्पताल लगिएको छ ।
प्रतिक्रिया दिनुहोस्