चितवन, २६ साउन । लागुऔषध पछिल्ला दिनहरुमा सवै अभिभावक देखि नेपाल प्रहरीको समेत टाउको दुखाईको विषय बनेको छ । प्रहरीले पटक पटक विभिन्न मात्रमा लागुऔषध सहित औषध सेवानकारीहरुलाई समेत नियन्त्र तथा पक्राउ गरेको छ । यसैबीच चितनवन प्रहरीले ठुलोमात्रमा लागुऔषधको कारोवार गर्ने दुई युवालाई प्रहरीले पक्राउ गरेको छ । लागुऔषध सहित प्रहरी नवलपुर जिल्लाको गैडाँकोट १ बस्ने बर्ष २४ का किरण जि सी र भरतपुर महानगरपालिका ३ बस्ने २४ बर्षको बुद्धि गुरुङ्गलाई पक्राउ गरेको हो ।

उनीहरुलाई मंगलबार नारायणगढबाट पक्राउ गरिएको जिल्ला प्रहरी कार्यालय चितवनले जनाएको छ । उनीहरुको साथबाट १९५ ट्याबलेट लागुऔषध बरामद भएको र थप अनुसन्धानको क्रममा किरण जि सी को घरमा लुकाई राखेको डाईजेपाम ११५ एम्पुल , व्युप्रिन ११५ एम्पुल , फेनारगान ११५ एम्पुल , नाईट्राजेपाम १३५० ट्यावलेट , स्पास्मो फिभन प्लस ४८ क्याप्सुल , १ सय एम एलको फेन्सिडिल ११ बोतल र विर्फ स्रोफ ४ बोत्तल बरामद भएको जिल्ला प्रहरी कार्यालय चितवनका प्रमुख प्रहरी उपरिक्षक सुशिल सिंह राठौरले जानकारी दिए ।

आफुले चितवन जिल्लाको शान्ति सुरक्षाको जिम्मा लिएपछि धेरै अपराधीक गतिविधीमा नियन्त्रण भएको र अव चितवनलाई लागुऔषध मुक्त जिल्लाको रुपमा परिचित बनाउ लागेको उपरिक्षक राठौरले  बताए । यसकोलागी सवै राजनैतिक दल र समाजसेवी तथा जिल्ला बासीको साथ अनिर्वाय भएको राठौरले बताए ।

प्रहरीले थप अनुसन्धानको क्रममा लागुऔषध बिक्रीवितरण र सेवनमा संलग्न रहेको भन्दै भरतपुर महानगरपालिका ७ बस्ने बर्ष २१ को लालकृष्ण ढकाल , भरतपुर २ को २६ बर्षका सलिम मिया र खैरहनी नगरपालिका वडा नम्बर १ बस्ने बर्ष १९ को अमृत आचार्यलाई शनिवार पक्राउ गरेको हो ।

पक्राउ परेकाहरुमध्य किरण जि सी ले छिमेकी मुलुक भारतबाट लागुऔषध ल्याएर बिक्रीबितरण गर्ने गरेको प्रारम्भीक अनुसन्धानबाट खुलेकोे प्रहरी उपरिक्षक राठौरले बताए । लागुऔषध सहित पक्राउ परेका किरण जि सी र बुद्धि गुरुङ्गलाई बुधबार नै लागुऔषध नियन्त्रण ऐन २०३३ अन्तर्गत मुद्धा दर्ता कारबाही अगाडी बढाइएको र अन्य ३ जनाको बिषयमा थप अनुसन्धान भइरहेको जिल्ला प्रहरी कार्यालय चितवनले जनाएको छ ।