एजेन्सी ,११ साउन । सदियौ देखी ईरान र अमेरिकाबीचको द्वन्द आज सम्म पनि लगातार तनाव बन्दै गएको छ ।

ईरानका विशेष सेनाका एक कमाण्डरले अमेरिकी राष्ट्रपति डोनल्ड ट्रम्पलाई धम्की दिएका छन । यदि अमेरिकाले ईरानमाथि हमला गरे अमेरिकाको सबथोक ध्वस्त पारिदिने चेतावनी दिएका छन् ।

ईरानका मेजर जनरल कासिम सुलेमानीले चेतावनी दिदै भने यदि ‘ट्रम्प ले युद्ध शुरू गरे इस्लामिक रिपब्लिक उसलाई खत्तम पार्नेछ ।’

अमेरिकी राष्ट्रपति ट्रम्पले ईरानका राष्ट्रपतिलाई चेतावनी दिदै ट्वीटरमा ‘अमेरिकालाई कहिले पनि डराउने कोसिस नगर्नु’ भनि ट्वीट गरेपछि सो चेतावनी दिइएको ईरानी न्यूज एजेन्सीले जनाएको छ ।

ईरानको रिवाल्यूशनरी गार्ड्सको कुद्स फोर्सका प्रमुख कमाण्डर जनरल कासिम सुलेमानीले  भनेका छन् ‘एक सैनिक भएको नाताले तपाईको धम्कीको जवाफ दिनु मेरो कर्तव्य हो । राष्ट्रपति हसन रुहानीसँग होइन तपाई‍ मसँग कुरा गर्नुहोस् तपाइलाई जवाफ दिनु हाम्रो राष्ट्रपतिको गरिमाले दिदैन ।’

उनले ट्रम्पलाई धम्कीपूर्ण भाषामा भनेका छन् कि ‘हामी तपाईको नजिक छौँ यती नजिक कि तपाई‌ सोच्न पनि सक्नुहुन्न आउनुस हामी तयार छौ‌, तपाई युद्ध शुरु गर्नुहुन्छ हामी खतम पार्नेछौ, यो युद्धले तपाईको सबथोक ध्वस्त पार्नेछ ।’