काठमाडौं, २६ असार । नेपाल टेलिकमको खस्किदो व्यवस्थापनको कारण टेलिकमका कर्मचारी आन्दोलित भएका छन ।
नेपाल टेलिकम वर्कर्स युनियनले पत्रकार सम्मेलन गरी काठमाडौ र पोखराबाट सुरु भएको फोर जी सेवा बिस्तारमा आपुर्तिकर्तालाई दोष देखाएर पन्छिरहेको बताएका हुन् ।

यस्तै एडिएसएलको बिकल्पमा ल्याइएको एफ,टि,टि,एच सेवा बिस्तारमा ढिलाई भएको, आवश्यक समान समयमा खरिद नगरिएको, खरिद भएको समानहरु समेत जडान नभएको लगायतका कारण टेलिकम खस्कदो गतिमा रहेको भन्दै कर्मचारीहरु व्यवस्थापनसंग आक्रोसित भएका हुन् ।

कर्मचारीहरुले चालु आर्थिक वर्षमा एक लाख एफ,टि,टि,एच बिस्तारको लक्ष्य राखिएकोमा ५ प्रतिशत मात्र लक्ष्य पुरा गरिनुले व्यवस्थापन पक्ष असक्षम भएको बताएका छन् । टेलिकमको सञ्चालक समिति तथा व्यवस्थापनको उदासिनताका कारण संस्था समृद्धिको बाधक भएको युनियन अध्यक्ष राजेन्द्र दाहालले बताउनुभयो ।

कम्पनीबाट बिस्तारित सेवाहरुलाई चुस्त दुरुस्त रुपमा उपभोक्तामाझ पु¥याउन नसक्नुमा व्यवस्थापन कमजोर रहेको आरोप उहांको छ ।
यस्तै टेलिकममा ज्यालादारी, करार र श्रमिक अपूर्तिकर्ता मार्फत काम गर्ने श्रमिकमाथि उत्पादकत्व बढाउने बहानामा श्रम शोषण समेत हुने गरेको अध्यक्ष दाहालले बताउनुभयो ।