काठमाडौं, १८ असार । विश्वकप फुटबलमा आज राती ब्राजिल र मेक्सिको तथा बेल्जियम र जापानबीच प्रतिस्पर्धा हुँदैछ ।

रुसमा जारी विश्वकप फुटबलमा आज (सोमबार) प्रि–क्वाटरफाइनलको दुई खेल हुँदैछ ।

रुस विश्वकप अन्तर्गत आज नकआउट चरणको पाँचौ र छैटौं खेल हुन् लागेको हो । आज ब्राजिल र मेक्सिको तथा बेल्जियम र जापानले प्रतिस्पर्धा गर्दै छन् ।

आज हुने पहिलो खेलमा ब्राजिल र मेक्सिकोले प्रतिस्पर्धा गर्दैछ । दुई टोलीबीचको खेल नेपाली समय अनुसार बेलुका ७ः४५ मा सुरु हुनेछ ।

समारा स्टेडियममा हुने खेलमा दुवै टोली जित निकाल्दै क्वाटरफाइनलमा पुग्न चाहन्छ । ब्राजिल समूह ई को बिजेता बन्दै नकआउट चरणमा पुगेको हो । मेक्सिको समूह एफ को उपविजेता बन्दै प्रि– क्वाटरफाइनलमा पुगेको हो ।

विश्वकप अन्तर्गत आज हुने दोस्रो खेलमा युरोपियन राष्ट्र बेल्जियम र एसियन राष्ट्र जापानले प्रतिस्पर्धा गर्दैछ । बेल्जियम र जापानबीचको खेल नेपाली समय अनुसार राति ११ः४५ मा सुरु हुनेछ ।

ब्राजिल र मेक्सिको आजको पहिलो खेलमा ५ पटकको विश्वकप बिजेता ब्राजिल र मेक्सिको आमनेसामने हुनेछन् । बिश्वकपको सबै संस्करणमा सहभागीता जनाएको एक्लो राष्ट्र ब्राजिल छैटौं उपाधि हात पार्ने लक्ष्यमा रहेकाले मेक्सिकोको चुनौती सहजताका साथ पार लगाउने योजनामा छ ।

सामरा एरेनामा राती पौने ८ बजे हुने प्रतिस्पर्धा दुबै टोलीका लागी दवावपूर्ण रहनेछ । १६ वर्षदेखिको उपाधि जित हातपार्न नसकेको ब्राजिल नकआउटचरणको पहिलो शिकार मेक्सिकोलाई बनाउन चाहान्छ । समुह चरणमा स्विटजरल्याण्डसँग एक एकको बराबरीमा रोकिएपनि त्यसपछिका दुबै खेलमा सहज जित हात पारेको ब्राजिल, सोही लयका साथ अघि बढ्ने तयारीमा छ । फिलिप काउटिन्हो, पाउलिन्हो, विलियम, ग्राबिलियन जिसस, रोबर्टो फिरिमिनो र नेयमार जस्ता खेलाडीको जमघट भएपनि समग्र टोलीको फर्मप्रति भने प्रशिक्षक टिटे नै सशंकित छन् । समुहचरणमा अघिल्ला २ खेलमा सनसनीपुर्ण प्रर्दशन गरेको मेक्सिको ऐतिहासिक उपलब्धिको संघार नाघ्ने ध्याउन्नमा छ । २ पटक क्बाटरफाइनल खेलेको ईतिहास उल्टाउदै नयाँ उपलधिलाई आत्मसात गर्न ब्राजिललाई हराउनुको बिकल्प पनि मेक्सिकोसँग छैन ।
रसियन भुमीमा एकपछि अर्को अप्रत्यासी नतिजा आउने क्रम जारी रहेकाले मेक्सिको पनि क्रमभङ्गता हुनेमा आशाबादी देखिन्छ । हार्भिङ लोजानो, हाभियर हर्नान्डेज, कार्लोस भेला लगायतको प्रर्दशनमा भर परेको मेक्सिको बलियो प्रतिद्वन्द्वीलाई सहज अघि बढ्न दिने पक्षमा छैन् । यसअघि भएका ६ भेटमा ब्राजिल ४ मा बिजयी भएको छ । एक खेल मेक्सिकोले जित्दा बाँकि एक खेल बराबरीमा सकिएको थियो । बेल्जियम र जापान रोस्तोभ एरिनामा मध्यराती पौने १२ बजे बेल्जियम र जापानबीच प्रतिस्पर्धा हुनेछ । जापान समुह एचको उपविजेता र बेल्जियम समुह जीको विजेता बन्दै अन्तिम १६ मा पुगेका हुन् । रसिया विश्वकपको नकआउट चरणमा एक्लो एसियाली राष्ट्र जापानलाई दवाव बनाउने दाउमा बेसल्जयम देखिन्छ ।

एशियाका बाँकी ४ राष्ट्र पहिलो चरणबाटै घर फर्किसकेकाले पनि महादेशको शाख जोगाउन ब्लु सामुराईलाई कडा मिहेनत गर्नुपर्नेछ । समुह चरणको खेलमा पानामा, ट्युनिसिया र ईङ्गल्याण्ड विरुद्धको तिनवटै खेलमा विजयी बेल्जियमले कुल ९ गोल गरेको थियो । रोमेलु लुकाकु र ईडिन हाजार्डलाई रोक्नु जापानका खेलाडिका लागि चुनौती भएपनि जापानी तासाकी ईनुई र सिन्जी कागावालाई रोक्न बेल्जियमको रक्षापंक्तिलाई ठुलै संघर्ष आवश्यक छ । सन् २००२ को फिफा विश्वकपको समुह चरणमा दुईबीच भएको प्रतिस्पर्धामा २–२ को बराबरी भएको थियो । दुई टोलीबीच गत नभेम्बरमा भएको मैत्रीपूर्ण खेलमा बेल्जियम १–० ले विजयी भएको थियो । बेल्जियम विरुद्ध रक्षात्मक मात्रै नभई आक्रमणको रणनिति पनि जापानले अख्तियार गर्नेमा जापान सचेत छ, तर बलियो युरोपेली मुलुक बेल्जियमको चुनौती जापानका लागी सहज भने हुने छैन् । एजेन्सी