मुकुन्द घिमिरे /काठमाडौं, १२ जेठ । लामो जाममा बस्नु काठमाडौंमा नियती नै हो । यहाको अस्तव्यस्त सडक र सकसपुर्ण ट्राफिक जामका बीच सबैलाई आफ्नो गन्तव्यमा पुग्न हतारो हुन्छ । जसले गर्दा एम्बुलेन्स दमकल जस्ता अत्तिआवश्यकीय यातायातका साधनहरुलाई बाटो छोड्न समेत आनाकानी गर्ने प्रवृति बढ्दो छ । आफूलाई पर्दामात्र अत्यावश्यक सोचिने यी यातायातका साधनहरुलाई बाटो छोडन आनाकानी गर्नु मानवीय संवेदनहीनताको पराकाष्ठा हो ।

हतार सबैलाई हुन्छ तर एम्बुलेन्स, दमकल जस्ता अत्यावश्यक सवारी साधनहरुको हतारो जीवन बचाउने हुन्छ । जीवन र मरणको दोसाँधमा छट्पटाइरहेको मानिस बोकेर हिडेको एम्बुलेन्सले साइरन बजाउदा बजाउदै पनि बाटो नपाउनु आफैमा विडम्बनापुर्ण छ । अर्कातर्फ अति विशिष्ट व्यक्तिहरुको सवारी आउदा जामको पछाडी एम्बुलेन्सहरु रोकिइरहेका दृश्यहरु देखिरहेका हुन्छन् ।

ट्राफिक प्रहरीले कुनै पनि अवस्थामा एम्बुलेन्सलाई बाटो खाली हुने अवस्था बनाएको दाबी गरिरहदा जाममा अड्किनु पर्ने समस्या कायमै छ । एम्बुलेन्स देख्ने वित्तिकै बाटो छोड्नु पर्नेमा पछिल्लो समय पहिलो प्राथमिकतामा आफूलाई राख्ने प्रबृति यातायातका साधन चालक तथा यात्रुहरुले विकाश गर्दै लगेको पाइन्छ । काठमाण्डौबाट सिन्धुली सम्म गाडी चलाउने एक चालकले दैनिक रुपमा एम्बुलेन्सले बाटो नछोड्ने घटनाहरु देख्ने गरेको बताए ।

अर्कातर्फ मृत्युसंग लडिरहेको विरामी बोकेर हिड्ने एम्बुलेन्सका चालकहरु आफूहरुले बाटो नपाउदा समयमै यात्रुहरुलाई गन्तव्यमा पु¥याउन सकस पर्ने बताए । वीर अस्पातमा कार्यरत एम्बुलेन्स चालकले जामका कारण दिनभर बिरामी भएको ठाउँमा पुग्न नसकेको गुनासो गरे । पहिलो जाम, त्यसमाथि सबैजनालाई पहिला जानुपर्ने हतारोले गर्दा अत्यावश्यक सवारी साधनहरु समयमा गन्तव्यमा पुर्याउन धौ–धौ परेकोे बताए ।

नेपालका सडकहरुमा ट्राफिक लाइट नगण्य मात्रामा मात्र सञ्चालनमा छन्, अतः जाम व्यवस्थापनमा ट्राफिक प्रहरी आफै खटिने हु“दा कुन गाडीलाई प्राथमिकता दिने भन्ने निर्णय धेरै हदसम्म ट्राफिक प्रहरीकै हातमा हुने गर्दछ । ललितपुर ट्राफिक प्रहरी प्रमुख सीताराम हाछेथुले सबै ट्राफिक प्रहरीहरुलाई एम्बुलेन्स, दमकल जस्ता अत्यावश्यक सवारी साधनहरुलाई प्राथमिकता दिन निर्देशन दिएको बताए । ट्राफिक प्रहरी सबै ठाउँमा पुग्न नसक्ने हुँदा सबै नागरिकहरु आफ्नो क्षेत्रबाट संबेदनशील हुन आवश्यक रहेको उनको तर्क छ ।
सबै ठाउ“मा अनुगमन नपुग्न सक्छ, यस्तो अवस्थामा जस्को शक्ति उसको भक्ति प्रवृति त्यागेर अत्यावश्यक सवारीका साधनहरुलाई प्राथमिकतामा राख्न आवश्यक छ । यसो गर्नु हामी सबैको मानवीय धर्म पनि हो ।