जापान, ३०  बैशाख  । जापानबाट रेमिट्यान्स सेवा सुरू गरेको ईजीलिंक रेमिट्यान्सले आफनो सेवालाई बिश्वको १ सय ६५ देशमा पुर्याएको छ । रेमिट्यान्सले आईतबार जापानको टोकियोमा पत्रकार सम्मेलन गर्दै रेमिट्यान्स सेवालाई बिश्वसनिय र कानुनी बनाउन ईजीलिंकले लगातार प्रयास गरिरहेको दाबी गरेको छ ।

पत्रकार सम्मेलनमा बोल्दै रेमिट्यान्सका प्रमुख कार्यकारी अधिकृत डिपी अर्यालले ईजिलिंकले सरकारको सम्पत्ती सुद्दिकरण अभियानलाई सघाउ पुर्याउने बताउनुभयो ।

उहांले संसारका विभिन्न देशहरुमा गैरकानुनी रुपमा मनी ट्रांन्सफरका काम भै रहेको बताउंदै ईजीलिंकले त्यस्ता गैर कानुनी कामलाई निरूत्सािहत गर्ने कार्य गरेको दाबी गर्नुभयो ।

रेमिट्यान्सले एक्सप्रेस मनीको सहयोगमा आफनो सेवा बिस्तार गरेको हो । ईजीलिंकले गत फ्रेबुवरीबाट दक्षिण कोरियाबाट समेत सेवा दिन सुरू गरेको छ । ईजीलिंक जापानबाट नेपालमा रेमिट्यान्स कारोबार गर्ने पहिलो ब्यवसायीक कम्पनी हो ।