काठमाडौं, हिन्दू धर्ममा विवाहलाई १६ संस्कारमध्ये प्रमुख मानिएको छ। विवाहका क्रममा वरवधुले अनेक परम्पराहरु पालना गर्नु पर्दछ, त्यसमध्ये सात फेरा र सात बचन पनि प्रमुख हुन् ।

विवाहका क्रममा वधुले वरबाट सात बचन माग्छिन् । त्यसपछि मात्रै विवाह पूर्ण भएको मानिन्छ । ती सात बचन यसप्रकार छन्ः

पहिलो बचन

तीर्थव्रतोद्यापन यज्ञकर्म मया सहैव प्रियवयं कुर्यास्

वामांगमायामि तदा त्वदीयं ब्रवीति वाक्यं प्रथमं कुमारी

अर्थ–यो बचनमा कन्या वरसँग भन्छिन् कि यदि तपाई कुनै ब्रत–उपवास वा अन्य कुनै धार्मिक काम वा तीर्थयात्रामा जानुभयो भने साथमा मलाई पनि साथमा लिएर जानु होला । यदि तपाई यो कुरा स्वीकार गर्नु हुन्छ भने म तपाईको वामांग अर्थात देब्रेतफए आउन स्वीकार गर्दछु ।

दोस्रो बचन

पुज्यौ यथा स्वौ पितरौ ममापि तथेशभक्तो निजकर्म कुर्यास्

वामांगमायामि तदा त्वदीयं ब्रवीति कन्या वचनं द्वितीयम

अर्थ–दोस्रो बचनमा कन्याले भन्छिन् कि तपाईले आफ्नो आमाबाबुलाई जस्तै मेरा आमाबाबुलाई पनि सम्मान गर्नुहुनेछ र परिवारको मर्यादाको पालन गर्नुहुनेछ । यदि तपाई यो कुरा स्वीकार गर्नु हुन्छ भने म तपाईको वामांग अर्थात देब्रेतर्फ आउन स्वीकार गर्दछु ।

तेस्रो बचन

जीवनम अवस्थात्रये मम पालनां कुर्यात

वामांगंयामि तदा त्वदीयं ब्रवीति कन्या वचनं तृ्तीयं

अर्थ–तेस्रो बचनमा कन्याले भन्छिन् कि तपाई जीवनको तीनै अवस्थामा ९युवावस्था, प्रौढावस्था र वृद्धावस्था०मा मेरो पालन गर्नुहुनेछ । यदि तपाई यो कुरा स्वीकार गर्नु हुन्छ भने तपाईको वामांग अर्थात देब्रेतर्फ आउन स्वीकार गर्दछु ।

चौथो बचन

कुटुम्बसंपालनसर्वकार्य कर्तु प्रतिज्ञां यदि कातं कुर्यास्

वामांगमायामि तदा त्वदीयं ब्रवीति कन्या वचनं चतुर्थं

अर्थ–चौथो बचनमा कन्याले भन्छिन् कि अब हामी विवाह बन्धनमा बाँधिदैछौ, त्यसैले भविष्यमा परिवारको सबै आवश्यकताहरुको पूर्तिको जिम्मेवारी तपाईको काँधमा हुनेछ । यदि तपाई यो कुरा स्वीकार गर्नुहुन्छ भने म तपाईको वामांग अर्थात देब्रेतर्फ आउन स्वीकार गर्दछु ।

पाँचौ बचन

स्वसद्यकार्ये व्यवहारकर्मण्ये व्यये मामापि मन्त्रयेथा

वामांगमायामि तदा त्वदीयं ब्रूते वचस् पंचमत्र कन्या

अर्थ–यो बचनमा कन्याले वरसँग भन्छिन् कि तपाई घरको काममा, विवाह आदि, लेनदेन र अन्य कुनै खर्च गर्ने बेलामा तपाई मेरो राय लिने गर्नुहुनेछ, तपाई यो कुरा स्वीकार गर्नुहुन्छ भने म तपाईको देब्रेतर्फ आउन स्वीकार गर्दछु ।

छैटौ बचन

न मेपमानमं सविधे सखीनां द्यूतं न वा दुर्व्यसनं भंजश्चेत

वामाम्गमायामि तदा त्वदीयं ब्रवीति कन्या वचनं च षष्ठम

अर्थ–यो बचनमा कन्याले वरसँग भन्छिन् कि यदि म कुनै बेला साथीका साथ छु भने तपाई सबैका सामु कहिल्यै पनि मेरो अपमान गर्नुहुने छैन । बचन वा अन्य कुनै पनि प्रकारको खराब व्यवहार आफूदेखि टाढा राख्न तयार हुनुहुन्छ भने म तपाईको वामांग अर्थात देब्रेतर्फ आउन स्वीकार गर्दछु ।

सातौ बचन

परस्त्रियं मातृसमां समीक्ष्य स्नेहं सदा चेन्मयि कान्त कुर्या

वामांगमायामि तदा त्वदीयं ब्रूते वचस् सप्तममत्र कन्या

अर्थ–यो अन्तिम बचनमा कन्याले वरसँग भन्छिन् कि तपाई पराइ स्त्रीहरुलाई आमा समान ठान्नु हुनेछ र श्रीमान÷श्रीमतीको आपसी प्रेमका बिच अरु कसैलाई पनि ल्याउनु हुने छैन । यदि तपाई यो बचन दिनु हुन्छ भने म तपाईको देब्रेतर्फ आउन स्वीकार गर्दछु ।

राजमार्ग