काठमाडौं, २७ वैशाख ।  मलेसियामा विपक्षी दलका पूर्व प्रधानमन्त्री डाक्टर माथिर मोहम्मद विजयी भएका छन् ।.
६२ वर्षे बीएन गठबन्धनको बिरासतको अन्त्य गर्दै विपक्षी दलका पूर्व प्रधानमन्त्री माथिर मोहम्मदले जीत हासिल गरेका छन् ।

सरकार गठनका लागि आवश्यक १ सय १२ सिटको थ्रेसहोल्ड कटाएर ९० वर्षिय माथिरले १ सय १५ सिट सुनिश्चित गरेका छन् । सरकार गठनका लागि ११२ सिट आवश्यकता भएकोमा महाथिर नेतृत्वको विपक्षी दलले ११५ सिट जितेको थियो । २ सय २२ जनप्रतिनिधि चयन गर्न भएको निर्वाचनमा प्रधानमन्त्री नाजिव रजाक र माथिरबीच कडा प्रतिस्पर्धा भएको थियो । १४ औं आमनिर्वाचनमा १ करोड भन्दा बढी मतदाताले मतदान गरेका थिए ।

माहथिरले आजै सपथग्रहण गर्ने अपेक्षा गरिएको छ । सपथग्रहण समारोहका लागि आज र भोलि मलेसियामा सार्वजनिक बिदा दिइएको छ । सपथग्रहणपछि महाथिर विश्वकै वृद्ध प्रधानमन्त्री बन्नेछन् । रजाक नेतृत्वको बारिसियन नेशनल बीएन गठबन्धनको अन्त्य गर्दै विजयी माथिरले सबैसंग सहकार्य गरेर अघि बढ्ने बताएका छन् ।

आफूले कुनै बदलाको भावना नराखेको मोहम्मदले प्रतिक्रिया दिएका छन् । यसअघि सन् २०१३ मा भएको निर्वाचनमा प्रधानमन्त्री रजाकको पार्टी नेतृत्वको गठबन्धनले अप्रत्यासित जित हासिल गरेको थियो । प्रधानमन्त्री नजिबको कार्यकाललाई लामो समयदेखिका भ्रष्टाचारका आरोपले छाया“मा परिदिएको थियो ।