काठमाडौं, २३ बैशाख। पाकिस्तानको बलोचिस्तान प्रान्तस्थित कोइलाखानीमा भएको दुई छुट्टाछुट्टै दुर्घटनामा कम्तीमा १६ जना मजदुरको मृत्यु भएको बीबीसीले जनाएको छ ।
राजधानी क्वेटाबाट करिब ४० किलोमिटर टाढा मारवार खानीमा भएको ग्यास विस्फोटनमा १२ मजदुरको मृत्यु भएको थियो । त्यहाँ ४ मजदुर अहिले पनि फसेको बताइएको छ ।
दोश्रो दुर्घटना स्पिन करीजको खानीमा भएको थियो, जहाँबाट चार मजदुरको शव निकालिएको थियो । अधिकारीहरुले केही अन्य मजदुर पनि खानीमा फसेका हुन सक्ने आशंका गरेका छन् । घाइते मजदुरलाई अस्पताल भर्ना गरिएको छ ।
प्रतिक्रिया दिनुहोस्