सर्लाही, १३ वैशाख । माओवादी केन्द्रका अध्यक्ष प्रचण्डले नेपालमा वाम गठबन्धनको बहुमतको सरकार भएकोले देशले समृद्धि तर्फ फड्को मार्ने बताउनुभएको छ ।

पार्टी एकताको विषयमा विभिन्न खाले अफवाह फैलिएकोले एमाले र माओवादीवीच पार्टी एकता हुँदैन कि भन्ने भ्रममा नपर्न उहाँले आग्रह गर्नुभयो ।

विकास विरोधीहरुले वाम गठबन्धन नेतृत्वको सरकारले गरेको राम्रो कामको समेत खिल्ली उडाउई रहेकोले उनीहरुको कुरामा विश्वास नगर्न र त्यसको पछि नलाग्न आग्रह गरेका छ्न । कार्यकर्ता भेला तथा पार्टी प्रबेश कार्यक्रम मा सम्बोधन गर्दै वाम गठबन्धनकै सरकारले देशमा समृद्धि ल्याउने विश्वास दिलाउनुभयो ।

आज सर्लाहीको बागमतीमा कार्यकर्ता भेटघाट तथा पार्टी प्रवेश कार्यक्रमलाई सम्बोधन गर्न सर्लाही आउनुभएका अध्यक्ष प्रचण्डले बागमती नगरपालिका स्थित हरिहर क्षेत्रमा फन पार्कको समेत शिलान्यास गर्नुभयो ।

त्यस्तै आजै उहाँले सर्लाहीको हरिपूर्वा नगरपालिका स्थित वसतपुरमा मुस्लिमहरुको जल्सामा सरिक भई प्रसाद समेत ग्रहण गर्नुभयो ।

सोही कार्यक्रममा बागमती नगरपालिकाको समस्या र बिकाश निर्माणको बारेमा नगरपालिकाका मेयर भरत थापा ले जानकारी गराउनुभएको थियो ।

सर्लाही जिल्ला का जिल्ला संयोजक डाचाराज वाग्लेको अध्यक्षतामा बागमतीमा भएको कार्यक्रममा केन्द्रिय सदस्य कमल बुढाथोकी ,पोलिट्ब्युरो सद्स्य अच्चुतम काफ्ले ,राधेश्याम पासवान जनयुद्दका कमाण्डर लुमडी प्रसाद धिमाल लोचन ,दुई नम्बर प्रदेश इन्चार्च बिश्वनाथ साह, महिला नेत्री बिनिता दाहल, साबित्रा बुढाथोकी लागायत को आतिथ्यता रहेको थियो ।