काठमाडौं, ७ जेठ । विभिन्न ८ वटा विश्वविद्यालयको उपकुलपतिका लागि २१८ जनाको आवेदन परेको छ । शिक्षा तथा खेलकुद मन्त्रालयले उपकुलपति छनोट तथा सिफारिससम्बन्धी एकीकृत कार्यविधि अनुसार प्राप्त आवेदनहरूको विवरण सार्वजनिक गरेको हो ।मन्त्रालयका अनुसार अनलाइन माध्यमबाट उपकुलपति पदका लागि कुल २१८ वटा आवेदन प्राप्त भएका छन् । सबैभन्दा बढी त्रिभुवन विश्वविद्यालयमा ५० वटा आवेदन परेको छ । पूर्वाञ्चल विश्वविद्यालय र पोखरा विश्वविद्यालयमा समान ३८र३८ वटा आवेदन परेका छन् । यस्तै सुदूरपश्चिम विश्वविद्यालयमा १९, मध्यपश्चिम विश्वविद्यालयमा २०, लुम्बिनी बौद्ध विश्वविद्यालयमा ११, कृषि तथा वन विज्ञान विश्वविद्यालयमा १५ तथा राजर्षि जनक विश्वविद्यालयमा २७ आवेदन परेको मन्त्रालयले जनाएको छ ।
Accuracy, Balance & Credibility - JOURNALISM
८ विश्वविद्यालयको उपकुलपतिका लागि २१८ जनाको आवेदन
एबीसी न्यूज
जेष्ठ ७, २०८३ बिहीबार ७ : ५३ बजे
प्रतिक्रिया दिनुहोस्