काठमाडौं, ६ जेठ । नेपाली कांग्रेसका पूर्व सभापति शेरबहादुर देउवा समूहले काठमाडौँको अनामनगरमा सम्पर्क कार्यालय खोलेको छ।वैशाखदेखि सम्पर्क कार्यालय स्थापना गरिएको कांग्रेस महासमिति सदस्य मनोहरि श्रेष्ठले जानकारी दिए।
उनकाअनुसार यहाँ विभिन्न जिल्लाबाट आएका नेता कार्यकर्तासँग भेटघाट र बैठक गर्ने उद्देश्यका साथ कार्यालय स्थापना गरिएको हो। विशेष गरी कांग्रेसको हुन लागेको १५ औँ केन्द्रीय महाधिवेशनको कार्यालय स्थापना गरिएको श्रेष्ठले जानकारी दिए। ‘विभिन्न जिल्लाबाट साथीहरू आएका हुन्छन् , कहाँ भेट्ने, कहाँ जाने, ठाउँ हुँदैन, त्यसले गर्दाखेरी हामीले चाहिँ यो अफिस, सम्पर्क अफिस खोलेका हौं’, उनले भने।विशेष महाधिवेशनबाट गगन थापा सभापतिमा निर्वाचित भएपछि देउवा समूह स्थापनसँग रुष्ट रहेको छ।
प्रतिक्रिया दिनुहोस्