काठमाडौं, २२ चैत्र । अमेरिकी राष्ट्रपति डोनाल्ड ट्रम्पले इरानलाई स्ट्रेट अफ होर्मुज खोल्नका लागि ४८ घण्टे अल्टिमेटम दिएका छन्। अन्तिम चेतावनी भन्दै ट्रम्पले यदि इरानले यो नखोलेमा त्यसलाई ध्वस्त पारिने छ। ट्रम्पले आफ्नो सामाजिक सञ्जाल प्लेटफर्म ट्रुथ सोशलमा पोस्ट गर्दै भने कि ‘अब समय लगभग समाप्त’ हुन लागेको छ। उनले यसअघि इरानलाई १० दिनको समय दिएको स्मरण गराउँदै अहिले भने केवल ४८ घण्टा मात्र बाँकी रहेको बताएका छन्।होर्मुज खोल्नका लागि ट्रम्पले अहिलेसम्म इरानलाई तीन पटकसम्म अन्तिम चेतावनी दिइसकेका छन्। उनले भनेका छन् ‘यदि इरानले यो कदम चाल्दैन भने उसका ऊर्जा सम्बन्धी संरचना र केन्द्रहरूलाई निशाना बनाइने छ।’उता, इरानले भने ट्रम्पको यो चेतावनीलाई सिधै अस्वीकार गरेको छ। इरानी सेनाका जनरल अली अब्दोल्लाही अलीअबादीले प्रतिक्रिया दिँदै भने ट्रम्पको बयान लाचारी, आत्तिएको अवस्था र मूर्खतापूर्ण छ। उनले थपे, ‘यस्ता धम्कीको अर्थ के हो भने, तपाईं ९ट्रम्प०का लागि नर्कका ढोका खुल्नेछन्।’