काठमाडौं, १ चैत्र । राष्ट्रिय स्वतन्त्र पार्टी (रास्वपा) ले संसदीय दलको नेता छान्न केही समय लगाउने भएको छ ।

आइतबार बसेको पार्टीको सचिवालय बैठकपछि प्रवक्ता मनिष झाले संसदीय दलको नेता छान्न केही समय लाग्ने जानकारी दिए । उनले पार्टी सभापति रवि लामिछाने अस्वस्थ रहेकोले संसदीय दलको नेता छान्ने प्रक्रियामा केही ढिलाइ भएको बताए ।

संसदीय दलको नेता बालेन्द्र शाह नै हुने उनको भनाइ छ । पूर्वसहमति र प्रतिबद्धताबाट दायाँबायाँ नहुने उनले बताए ।

संसदीय दलको नेता छान्ने प्रक्रियाको लागि केन्द्रीय समितिको बैठक नै बस्नुपर्ने झाको भनाइ छ । दलको नेता छान्न आन्तरिक र अनौपचारिक रूपमा भने छलफल भइरहेको उनले जानकारी दिए ।

यस्तो छ प्रवक्ता झाको भनाइ –

हामीले केन्द्रीय समितिको बैठक कुनुपर्छ, आन्तरिक र अनौपचारिक हामीले त्यसमा छलफल गरेका छौँ । अझै पनि दलको नेता बनाउनको लागि हामीले प्रक्रियागत रूपमा अगाडि बढाउनको लागि केही नेताहरूको उपस्थितिको प्रतिक्षामा रहेको हुनाले स्वास्थ्य अवस्थाको कारण केही नेताहरूको उपस्थिति अझै पनि पर्खिनुपर्ने भएकोले हामीले कुरिरहेका छौँ । तर, एउटा विषय स्पष्ट पारौँ, सोसँग सम्बन्धित, हामी त्यसमा जिम्मेवार छौँ र प्रतिबद्धता हामीले बिर्सेका छैनौँ । त्यसैले केही तलमाथि होला कि भन्ने आशंका नगरियोस् । न्युज एजेन्सी नेपाल