धनगढी, २४ चैत्र
पहाडी र उच्च पहाडी क्षेत्रका किसानहरुले उब्जनी गरेका कृषि उपजलाई कच्च पदार्थ बनाउंदै खाद्य उत्पादन सूर गरेको पैचोले ७ नम्बर प्रदेशमा आफ्नो उत्पादनको सुरुवात गरेको छ । किसानहरुसंग पैचो लिएर बजारीकरण गर्दै आएकोे पैचोले, पैचो ब्राण्डका २७ प्रकारका खाद्य वस्तु उत्पादन गर्दैआएको छ । पैचोका अनुसारे आठ प्रकारका पैचो अचार, पैचो होल क्यान कर्न, पैचो कोदोको पिठो, पैचो टोमेटो केचअप, पैचो जाम, विभिन्न प्रकारका, परम्परामा सीमित सिन्की मस्यौरा जस्ता उत्पादनहरु पैचा्ेका उत्पादन हुन् ।
प्रदेश नम्बर ७ का लागि औपचारीक बजारीकरण गर्न आयोजित कार्यक्रमका बिच आज प्रदेश सरकारका आर्थिक मामीला तथा योजना मन्त्री झपट बहादुर बहोराले उत्पादन देखाउंदै बजारीकरणको शुभारम्भ गर्नुभयो ।
शुभारम्भ कार्यक्रममा बोल्दै मन्त्री बोहोराले पैचोले देखाएको समृद्धीको बाटो राम्रो भएको भन्दै प्रदेश सरकारले कृषिलाई प्राथमिकतामा राखेर निती बनाउने जानकारी दिनुभयो । मन्त्री वोहराले कृषिमा आत्मनिर्भर निर्भरता बढाउने गरेर आगामी बजेट विनियोजन गर्ने बताउनु भयो।
उहांले असारमा आउने बजेटमा आउँदो वर्षलाई कृषिमा आत्मनिर्भर वर्षका रूपमा लैजाने जानकारी दिनुभयो । उहांले भन्नुभयो “पहाड र पिछडिएको समुदायलाई पैचो पसलमा जोड्नुस्, प्रदेश सरकार आवश्यक सहजीकरण गर्न तयार छ ।”
लामो समयदेखि शहरमा बसोबास गर्दै आए पनि गाँउबस्तीको खाद्य परिकारलाई भुल्न नसकेका उपभोक्तालाई सहज ढंगले कृषिजन्य उत्पादनको बजारीकरण गर्दै आएको पैचोले दाबी गरेको छ । ‘बसे पनि शहर गाँउकै खाने रहर’ भन्ने मुल नाराका साथ ३ वर्ष पहिले गुल्मी जिल्लाको रुरु गाउंपालिका–७ रिडीबाट पैचोले खाद्य उत्पादन सुरु गरेको थियो ।
शुभारम्भ कार्यक्रमका अवसरमा पैचोले प्रकाशित गरेको प्रेस बिज्ञप्तीमा सुदुरपश्चिम अर्थात संघीय नेपालको प्रदेश नम्बर ७ हेर्दा सुन्दर मात्र छैन, यस्को उर्वरा क्षमता र सम्भावनाका हिसावले पनि समृद्ध छ । नेपालकै स्वीजरल्याण्ड भन्न सकिने डडेलधुरा, विश्वकै रमणीय खप्तड, जडिबुटीले समृद्ध बझाङ, बाजुरा र दार्चुला, हरित क्रान्ति ल्याउन सकिने अछाम, डोटी जस्ता जिल्लाहरु रहेको प्रदेश नम्बर ७ को माटोको पहिचान र स्थानीय मेहेनती जनताको मनोबिज्ञानलाई मात्र ब्यवस्थापन गर्न सकियो भने यस प्रदेशको कृषि उत्पादनमा कायापलट हुनसक्ने उल्लेख गरिएको छ । बिज्ञप्तीमा कृषि उत्पादनमा प्रोत्साहन र त्यसको उचित बजारीकरणको व्यवस्थापन गर्न सकेमा प्रदेश आफैमा आत्मनिर्भर र समृद्ध हुने बिश्वास ब्यक्त गर्दै अन्य प्रदेशमा निर्यातको समेत ढोका खुल्न सक्ने भनिएको छ ।
शुभारम्भ कार्यक्रममा बोल्दै पैचो पसलका प्रबन्धनिर्देशक ध्रुवराज न्यौपानेले दीर्घकालीन रुपमा धनगढीलाई पहाडी जिल्लाका कृषि उत्पादनको हवका रुपमा विकास गर्दै प्रदेश नम्बर ७ का पहाडी र उच्च पहाडी जिल्लाका किसानसंग जोडिने उद्देश्यका साथ पैचो पसलले यस प्रदेशमा उपस्थिति जनाएको जानकारी दिनुभयो । उहांले पैचो अभियान सुरु भएपछि गुल्मी, पाल्पा र यस आसपासका जिल्लाका युवाहरु बिदेश जाने मनसायलाई त्यागेर कृषि उत्पादनमा लागेको बताउंदै प्रदेश नम्बर ७ का पहाडी जिल्लाका युवाहरु बिदेशीनबाट रोक्न र स्वदेश मै रोजगार प्रदान गर्न पैचो अभियानले सानै भएपनि भुमिका खेल्ने बिश्वास ब्यक्त गर्नुभयो ।
गुल्मीमा मात्र कम्तीमा ६ बढी युवाहरु बिगत २ वर्षमा गल्फ देशको भिसा छाडेर कृषि ब्यवसायमा लागेको कार्यक्रममा बताईएको थियो । पैचोका अनुसार गुल्मीका किसानहरुले प्रतिघरबाट १ वर्षमा १२ देखि १६ लाख सम्मको गोलभेंडा पैचोलाई दिन सक्ने बनेकाछन् ।
किसानको खेत र बारीबाट सिधै उपभोक्ताको भान्छा कोठा र हस्पीटालिटी ब्यवसाय गर्ने होटलका किचनहरु सम्म स्वस्थ, स्वच्छ र स्वादिस्थ परिकार पु¥याउने पैचोको लक्ष रहेको प्रबन्धनिर्देशक न्यौपानेले बताउनुभयो । “बिदेसी रेसिपीमा निर्भर हाम्रा होटलका किचनहरु अव देखि बिदेशीका मुख ताक्नु पर्ने छैन ।” न्यौपानेले भन्नुभयो । होटललाई आवश्यक पर्ने अन्तरराष्ट्रिय गुणस्तरका खाद्य सामग्रीहरु पैचोले उत्पादन गरेको उहांको दाबी छ ।
बिकास तथा बाणिज्य बैंकहरुले कृृषिमा लगानी गर्न अनिच्छा देखाउंदा कृषिमा लगानी गर्न चाहनेहरुको समेत हौसला घट्ने अवस्था सृजना भएको प्रति न्यौपानेले चिन्ता ब्यक्त गर्नुभयो ।
“सरकारले सुस्पष्ट निति सहित अवसर दिए पैचो, देशब्यापीरुपमा कृषिमा जागरण ल्याई सरकारको समृद्धिको लक्षमा सहभागि बन्न तयार छ ।” उहांले बताउनुभयो ।
कार्यक्रममा कैलाली उद्योग बाणिज्य संघका अध्यक्ष शंकर बोगटी, नेपाल पत्रकार महासंघ कैलालीका अध्यक्ष जगत बहादुर साउद, होटल ब्यवसायीसंघका अध्यक्ष कलम बम लगायतले पैचोको बजारिकरणको सफलताको शुभकामना ब्यक्त गर्नुभएको थियो ।