काठमाडौं, २१ चैत । प्रधानमन्त्री एवम् नेकपा एमालेका अध्यक्ष केपी शर्मा ओलीले आफ्नो भारत भ्रमण नेपाली नागरिकको हितमा केन्द्रित हुने बताउनु भएको छ ।

प्रधानमन्त्री ओलीले बुधबार एमाले पार्टी स्थायी समिति बैठकमा आफ्नो भारत भ्रमणबारे औपचारिक जानकारी गराउ“दै सो भ्रमण नेपाली नागरिकको हितमा केन्द्रित हुने बताउनुभएको हो ।

पार्टी केन्द्रिय कार्यालय धुम्बाराहीमा बसेको बैठकमा प्रधानमन्त्री ओलीले आफ्नो भारत भ्रमणले मुलुकको आर्थिक समृद्धिको दिशामा महत्वपूर्ण योगदान दिने धारणा राख्नु भएको एमालेका सचिव एवम प्रचार विभाग प्रमुख योगेश भट्टराईले जानकारी दिनुभयो ।

प्रधानमन्त्री ओलीको आगामी शुक्रबार भारतको ३ दिने राजकीय भ्रमण गर्दै हुनुहुन्छ । भ्रमणले नेपाल–भारतबीचको सम्बन्धलाई अझै उचाईमा पु-याउने विश्वास पनि प्रधानमन्त्री ओलीले व्यक्त गर्नुभएको सचिव भट्टराईले बताउनु भयो ।

बैठकले माओवादी केन्द्रस“गको पार्टी एकता, सरकारको नीति तथा कार्यक्रम र बजेट लगायतका विषयमा छलफल गर्न आगामी बैशाख ६ गते पार्टी पोलिटव्यूरो बैठक र ७ गते केन्द्रिय समिति बैठक बोलाउने निर्णय गरेको छ । पार्टी एकता, सरकारको नीति तथा कार्यक्रम र बजेटका विषयमा ठोस धारणा तय गर्न पार्टी पोलिटव्यूरो र केन्द्रिय समितिको बैठक बोलाउने निर्णय पनि गरिएको सचिव भट्टराईले बताउनु भयो ।

एमाले र माओवादी केन्द्रबीच आगामी बैशाख ९ गते कम्युनिष्ट पार्टी स्थापनाको अवसर पारेर एकताको औपचारिक घोषणा गर्ने तयारी छ ।