काठमाडौ २४ असार । प्रमुख प्रतिपक्षी नेकपा माओवादी केन्द्रका सांसद देवेन्द्र पौडेलले उपभोक्ता अदालतको फैसलाविरुद्धविरुद्ध चिकित्सक आन्दोलित भएका कारण सर्वसाधरण प्रभावित भएको बताएका छन्।

मंगलबार प्रतिनिधिसभाको बैठकको आकस्मिक समयमा बौल्दै उनले भने, ‘उपभोक्ता अदालतमा रहेका १५ मुद्दामध्य ५ मुद्दा चिकित्सा क्षेत्रसँग सम्बन्धित रहेका छन्। त्यसमध्य ३ वटामा फैसला भइसकेको छ। फैसला भएका विषयबाट डाक्टरहरू प्रभावित भएर सडकमा छन्।’

चिकित्सकहरू आन्दोलित हुँदा विारमीले उपचार नपाएको भन्दै सम्बन्धि पक्षसँग तत्काल वार्ता गर्न समेत उनले सरकारलाई आग्रह गरे। ‘यसका कारण हजारौँले उपचार पाइरहेका छैनन्,’ पौडेलले भने,‘तत्काल सम्बन्धित पक्षसँग वार्तागरि मेडिकल काउन्सिल र उपभोक्ता अदालतसँग सम्बन्धित कानुनी कुरा सच्याएर भए पनि विरामीले उपचार पाउने वातावरण बनाउनुपर्छ।’

आन्दोलनका कारण सरकारी अस्पतालका सेवा रोकिएको भन्दै उनले चिकित्सकलाई अस्पताल फर्काउने वातावरण बनाउन समेत माग गरे। पौडेलले भने, ‘सरकार हेरेर बस्ने होइन, सम्बन्धित पक्षसँग वार्ता गरेर चिकित्सकलाई अस्पतालमा फर्काउने वातावरण तत्काल बनाइयोस्।’