काठमाडौं, १८ चैत । शनिबारदेखि सुरु भएको धनगढी प्रिमियर लिग क्रिकेट (डीपीएल)मा सीवाईसी अत्तरियाले ९ विकेटको शानदार जित निकालेको छ ।

रुपन्देही च्यालेन्जर्सलाई ६१ रनमा अलआउट गर्दै अत्तरियाले ७/३ ओभरमा मात्र १ विकेट गुमाएर लक्ष्य भेट्टायो । सुवास खकुरेल १९ रनमा आउट भए । गोरभ चित्तरा ३० र प्रेम तामाङ १४ रनमा अविजित रहे ।

यसअघि पहिले ब्याटिङ गरेको रुपन्देहीले १५/२ ओभरमा सबै विकेट गुमाएर ६१ रन बनाएको थियो । रुपन्देहीका लागि सुफयान मोहम्मदले २० रन बनाए भने अन्य ब्याट्सम्यानले दोहोरो अंक जोड्न सकेनन् ।

सीवाईसीका लागि कमल सिंह ऐरीले ४ विकेट लिए भने शुभंकर उरावले ३ विकेट लिए ।