काठमाडौ २१ असार । अमेरिकाको टेक्ससमा बाढीका कारण मृत्यु भएकाको संख्या २४ पुगेको छ।

यसैबीच क्रिस्चियन ग्रीष्मकालीन शिविरबाट बेपत्ता २५ बालबालिकाको खोजी जारी रहेको बीबीसीले जनाएको छ।

टेक्ससका धेरै क्षेत्रमा राज्य आपत्‌काल घोषणा गरिएको छ। बाढीका कारण धेरै सडक बन्द भएका छन् भने फोन सेवा पनि अवरुद्ध भएको छ।

अमेरिकाका राष्ट्रपति डोनाल्ड ट्रम्पले बाढीलाई ुस्तब्ध पार्नेु र ुभयानकु भनेका छन्। ट्रम्पले थप सहयोग गर्ने वाचा पनि गरेका छन्।

सार्वजनिक तस्बिरमा सडकमै बाढी बगिरहेको र पुलहरू डुबेको देखिन्छ।

टेक्ससका लेफ्टिनेन्ट गभर्नर डान प्याट्रिकले भने, ‘४५ मिनेटभित्र ग्वाडालुप नदीको पानीको सतह २६ फिट बढ्यो र यो विनाशकारी बाढी आयो। जसका कारण मानिसहरूले ज्यान गुमाएका छन् र सम्पत्तिमा क्षति पुगेको छ।’

अधिकारीहरूले सबै बेपत्ता व्यक्ति फेला नपरेसम्म खोज जारी रहने बताएका छन्।