काठमाडौं, १३ चैत । गीत चोरीको आरोपमा चलचित्र ‘कृ’ का निर्माता सुवास गिरीलाई प्रहरीले मंगलबार पक्राउ गरेको छ ।
अनमोल केसीद्वारा अभिनित चलचित्र ‘कृ’ को एक गितमा चलचित्र ‘सम्झना’को गितको एक हिस्सा समावेश छ । ‘उकालीमा अघिअघि ओरालीमा पछिपछि’ बोलको गीत चोरेर चलचित्रमा समावेश गरेको भन्दै शम्भु प्रधानले जाहेरी दिएपछि सोही आधारमा काठमाडौं प्रहरी परिसर, टेकुले गिरीलार्इ नियन्त्रणमा लिएको हो ।
यसबारे अनुसन्धान भइरहेको काठमाडौं प्रहरी परिसरका प्रमुख एसएसपी विश्वराज पोखरेलले बताए । ‘प्रतिलिपि अधिकारसँग सम्बन्धित विषय हो’, उनले भने, ‘थप अनुसन्धान भइरहेको छ ।’
प्रतिक्रिया दिनुहोस्