काठमाडौं १८ माघ । नेपाली कांग्रेसका सांसदहरूले संघीय संसद्को निर्वाचन गरेर स्थानीय तहको निर्वाचन गर्न प्रस्ताव गरेका छन्। शुक्रबार संसद् भवनस्थित ल्होत्से हलमा बसेको बसेको कांग्रेसको संसदीय दलको बैठकमा सांसदहरू नारायण खड्का, ईश्वरी न्यौपाने, देवप्रसाद तिमिल्सिनाले आगामी संघको निर्वाचन स्थानीय तहको निर्वाचनभन्दा पहिला गर्नेगरी आवश्यक व्यवस्था मिलाउन माग गरेको प्रमुख सचेतक श्यामकुमार घिमिरेले जानकारी दिए।

ुनेपाली काँग्रेसको संसदीय दलको बैठक आज सक्नेगरी हामीले बोलाएका थियौँ । तर बोल्ने वक्ताहरूको क्रम लामो भएकाले आज पनि बैठक सकेनौँ। सांसदहरूको बोल्ने क्रम सकिएको छ। अब मन्त्रीहरू, पदाधिकारीहरू र नेताहरूले बोल्ने क्रम बाँकी छ, उनले भने, यो संसदको बैठक २४ गते हुन्छ। त्यही दिन बिहान साढे ८ बजेदेखि बस्नेगरी बैठकलाई स्थगन गरिएको छ । अध्यादेशको विषयमा मान्य सदस्यहरूले कुरा उठाउनुभएको छ। आफ्नो क्षेत्र विकासनिर्माणका कुराहरू उठाउनुभएको छ। सम्बन्धित जिल्लाका मान्य सदस्यहरूले पाथीभराको केबलकारका विषयमा जुन किसिमको द्वन्द्व भइरहेको छ। त्यसमा पनि प्रश्न उठाउनु भयो।

उनले आज सांसदहरूले बोल्ने क्रम सकिएको तर मन्त्री र पार्टीका पदाधिकारीहरूले बोल्न बाँकी रहेकाले २४ गते पुनः संसदीय दलको बैठक बस्ने जानकारी दिए। बैठकमा सांसदहरूले सरकारले ल्याएको अध्यादेश, आफ्नो क्षेत्र विकासनिर्माणका कुराहरू उठाएको पनि उनको भनाइ छ।