काठमाडौं, २९ फागुन । निर्वाचन आयोगले आज राष्ट्रपति निर्वाचन गर्दैछ । बिहान १० देखि दिउँसो ३ बजेसम्म नयाँ राष्ट्रपति चयनका लागि निर्वाचन हुदैछ ।

राष्ट्रपतिको लागि वाम गठबन्धनबाट विद्यादेवी भण्डारी र कांग्रेसबाट कुमारी लक्ष्मी राईको उम्मेदवारी परेको छ । राष्ट्रपतिको निर्वाचनका लागि उच्च अदालतको न्यायाधीशलाई निर्वाचन अधिकृत तोक्ने व्यवस्था ऐनमा गरिएको छ ।

राष्ट्रपति निर्वाचनमा प्रतिनिधिसभा सदस्य, राष्ट्रियसभा सदस्य र प्रदेशसभा सदस्यले मतदाता गर्ने छन् । सातै प्रदेशबाट प्रदेश सांसदमा ५५० जना, प्रतिनिधिसभामा २७५ जना र राष्ट्रिय सभाका ५९ जना सदस्यहरुले राष्ट्रपति निर्वाचनमा मतदाता गर्नेछन् । प्रतिनिधिसभा र राष्ट्रियसभाका एक सदस्यको मतभार ७९ हनेछ ।

संघीय संसद्को एक सदस्यको ४८ मतभार हुनेछ । जसअनुसार प्रतिनिधिसभा र राष्ट्रिय सभाका ३३४ सदसस्यहरुको कुल मतभार २६ हजार ३ सय ८६ हुनेछ । यस्तै, ५५० प्रदेशसभा सदस्यहरुको कुल मतभार २६ हजार ४ सय रहनेछ । जसअनुसार जम्मा मतभार ५२ हजार ७ सय ८६ हुनेछ । यो मतभारमध्ये जसले ५० प्रतिशत मतभार कटाउँछ, उही उम्मेदवार राष्ट्रपतिमा निर्वाचित हुनेछ । आजै मतदान सकिएको एक घण्टापछि मतगणना हुनेछ ।

भोलि बिहान मुलुकले नयाँ राष्ट्रपति पाइसक्नेछ । राष्ट्रपति चुनावमा वाम गठबन्धनको स्पष्ट बहुमत भएकाले भण्डारी नै संघीय नेपालको पहिलो राष्ट्रपति बन्ने पक्काजस्तै छ ।