काठमाडौं, २८ फागुन । त्रिभुवन विमानस्थलमा भएको युएस बंगला विमान दुघर्टनामा परी ३४ जनाको मृत्यु भएको छ ।उपाचार्थ अस्पताल लगिएका घाइतेहरुको अवस्था पनि नाजुक रहेको बताईएको छ ।

युनाइटेड बंगलादेश एयरलाइन्सको विमानमा ३३ नेपाली यात्रु सवार थिए। नेपाल नागरिक उड्ययन प्राधिकरणका अनुसार ३३ नेपालीसहित ६७ जना यात्रु रहेको विमानमा ४ जना चालक दलका सदस्य थिए।

दिउँसो २ बजेर १८ मिनेट जाँदा धावनमार्गको पूर्वतिर दुर्घटना भएको थियो। विमानस्थलका उद्दार तथा अग्नि नियन्त्रकहरुद्वारा विमानमा लागेको आगो नियन्त्रण गरिएको थियो। विमानस्थलमा नेपाली सेना, नेपाल प्रहरी, सशस्त्र प्रहरी लगायतका सुरक्षा निकाय उद्दारका लागि सक्रिय भएका थिए।

विमान नियमित रुटभन्दा बाहिरबाट आएर दुर्घटनामा परेको प्रारम्भिक विवरण प्राप्त भएको छ। दुर्घटनामा घाइते भएकाहरुलाई उद्दार गरी उपचारका लागि अस्पताल पुर्‍याइएको छ भने केहीको विमानभित्रै मृत्यु भइसकेको छ।