काठमाडौं १२ साउन । प्रधानमन्त्री केपी शर्मा ओलीका आर्थिक तथा विकास सल्लाहाकार डा. युवराज खतिवडाले एमाले र कांग्रेसबीचको सम्झौता संसदमा नै सार्वजनिक गरिएकाले दुई दलबीचको सहमति कार्यान्वयन हुने दावी गरेका छन् । एबीसी टेलिभिजनका प्रधानसम्पादक शुभशंकर कँडेलसँग आउटलुक कार्यक्रममा बोल्दै पूर्व अर्थमन्त्री समेत रहेका डा. खतिवडाले ठूला कुरा गर्नु भन्दा पनि आर्थिक क्षेत्रलाई चलायमान बनाउनु नै यो सरकारको मुख्य जिम्मेवारी रहेको बताए ।

डा. खतिवडाले निर्वाचन ऐनका केही आवश्यक संशोधन आवश्यक रहेको भन्दै संविधान पुनरावलोकन गर्ने बाहेह अहिले नै संशोधनको कुरा हतार हुने सुझाव दिएका छन् ।
अघिल्लो सरकारको क्रियाकलापले देशको आर्थिक क्षेत्रलाई त्रासमा राखेको भन्दै डा.खतिवडाले कसैले अनियमितता वा आर्थिक अपचलन गरेमा मौजुदा कानुन र तिनै संस्थाले निरन्तर कार्बाही गर्नु पर्छ भन्दै उनले भने ‘हल्ला गरेर कसैलाई पक्राउ गछु, आज फलानासँग कुरा भयो भन्ने जस्तो तरिका सर्वथा बेठिक हो ।‘
राष्ट्रवैंकका पूर्व गर्भनरसमेत रहेका खतिवडाले मौद्रिक नीतिले व्यवसायिक बातावरण सहज बनाउने मात्र हो भन्दै बजेटमा आवश्यक परेर अर्ध बार्षिक समीक्षापछि पूरक बजेटको व्यवस्था गर्न सकिने बताए ।
डां खतिवडासँगको अन्तर्वार्ता शानिबार राती ९ बजे र आइतबार विहान ७ बजे पुन प्रसारण हुनेछ । यो अन्तर्वार्ता एबीसी टिभी नेपाल युट्युव च्यानलमा पनि हेर्न सकिनेछ ।