गृह जिल्ला चितवन पुगेका प्रचण्डले पत्रकारहरुसँग कुराकानी गर्दै माओवादी आजै सरकारमा सहभागी हुने बताएका हुन्। ‘ओली नेतृत्वको सरकारमा माओवादी केन्द्रका दुई जना नेता आजै सहभागी हुँदैछन्’ प्रचण्डले भने, ‘को को जानुहुन्छ भन्ने तय भइसकेको छैन तर आज दुई जना सहभागी भएपछि विस्तारै सरकारले पूर्णता पाउँछ।’
विमानस्थलमा ओलीलाई भरतपुर महानगरपालिकाको मेयरसमेत रहेकी छोरी रेणु दाहाल र दाहालद्वारा मेयरमा पराजित एमाले नेता देवी ज्ञवालीले स्वागत गरेका थिए।
उता प्रधानमन्त्री केपी शर्मा ओलीले आफ्नो शपथग्रहणका दिन चलिरहेका चर्चाविपरीत लालबाबु पण्डित र थममाया थापालाई मन्त्री बनाएपछि अब मन्त्रिपरिषद्मा कोको थपिन्छन् भन्नेबारेमा एमाले पंक्तिमा कौतुहलता बढेको छ। मन्त्रीका लागि आशावादी नेताहरु पनि प्रधानमन्त्री ओलीले कस्तो छनोट गर्ने हुन् भन्नेमा सशंकित बनेका छन् ।
प्रतिक्रिया दिनुहोस्